Hechos 13:25 - Nuevo Testamento Toba Sur

²⁵ Qaq so Juan co'ollaq nayiita'a ca laloqo', nachi somayi 'enapeco': “Aÿim sa ishit da nachaÿim cam qanpi'itaxañiitaique; qalaxayi camayi nachi aÿim nca'attaueegue, camayi ÿataqta sa ishit da yalou'a da chochi ñaqa't naua lque'te caua lapela'te.”

Nuevo Testamento Toba Sombrero Negro

²⁵ Qama'le ca'li Juan yauoqotalegue da'me loiquiaqa'yaĝac da'me nejiyaĝauayaĝac, enaac: «Ja naqayem ga'me jo'ne auepíchitapega; qalaĝaja qom yem da'me jayem qama'le 'uo ñe'me novi' nach'eñe ja jaqanatet ta'le ja'uo yaedenataĝanac qaedi jejodegue gaa'me lapela'te leque'te.»

La'aqtaqa Ñim Lo'onatac 'Enauacna 2013

²⁵ Qaq so Juan co'ollaq mashe nayeeta'a ye laloqo' da nachaalataxac, nache somaye 'eetega na Israel le'ecpi 'eeta': «Aỹem saishet da nachaỹem cam qanpi'itaxañiitaique Lca'aguishec Ñim Lo'onatac 'Enauacna. Qalaxaye camaye aỹem nca'attaueegue, camaye ỹataqta saishet da yaloua'a, na'aictaxa da chochaq aỹem l-latac.»

Hechos 13:25 Referans Kwoze

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Marcos 1:7

Nachi somayi da'aqtaxaatapeguem na shiÿaxauapi, 'eeta': –Huo'o na aÿim nca'attalec, qaq namayi ÿacteec da l'añaxac, sa ishit da shiita'am. Qataq ÿataqta sa yalou'a da ñoqollimot da ñaqa't naua lapela'te lque'te.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Apocalipsis 11:7

Qalaxayi qom mashi ima't nam i'o'tpi, nachi so shiguiÿac mayi chigaqaña som laponqa' nam leuaxaicpi, somayi iloquiaxa'n soomayi. Ime, qaq loxonqa, nachi ÿalaua't.

2 Timoteo 4:7

Mashi semat da seloctapeguelec da i'onataxanaxac, qataq senoxonaqchiteec da ñaloxoyaxac. Ÿataqta soolec da qadpi'iÿaxac.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

Hechos 19:4

Nachi so Pablo 'enapeco': –Aja', so Juan co'ollaxa nachilaxaatac nam shiÿaxauapi mayi ÿaxaadeec naua n'onataxaco, qalaxayi nataq'en 'enapega namayipi da yaqto' i'amaqten cam anatai' mayi nca'attalec, qaq somayi nachiso so Jesús som nta'a mayi qadca'alaxaqui.

Hechos 13:36

Qaq 'eesa da so David ÿataqta huapegue' co'ollaxa so lauo' da i'o't naua ÿamaxalguete ñi Dios. Qalaxayi co'ollaq ime, nachi somayi ileu, nachi qailadoigui som hua'au lta'alpi, nachi da l'oquiaxac nlaguiñi.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 1:36

Qaq co'ollaq ÿauaategue so Jesús, nachi 'enapeco': –Ña qauloÿa, 'eso cha'ague som qagueta llalec mayi chigoqo'ot ñi Dios.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.