Hechos 13:23 - Nuevo Testamento Toba Sur

²³ Qaq huo'o so 'oonolec nam llalaqpi se'eso David, somayi nachiso so Jesús som ÿanagui ñi Dios da lca'alaxaqui naq'en na llalaqpi so Israel, cha'ayi ñimayi nachi ÿachaxanapec co'ollaxa damayi da ÿan.

Nuevo Testamento Toba Sombrero Negro

²³ Ga'me chiyaqayi ñe'me David mach'e Jesús, nach'ena Dios Lamaĝajec qaedi nec'alaĝatedegue ga'me israelpi, naq'aeta da'me joote yaqataĝañi da'me 'laqatac ca'li.

La'aqtaqa Ñim Lo'onatac 'Enauacna 2013

²³ Qaq huo'o so 'oonolec nam llalaqpi se'eso David, somaye nacheso So Jesús som ỹanagui Ñim Lo'onatac 'Enauacna da Lca'alaxaqui naqa'en na Israel le'ecpi, cha'aye Ñimaye ỹachaxanapec co'ollaxa da ỹan.

Hechos 13:23 Referans Kwoze

Mateo 1:1

Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Hechos 13:32

Qaq ÿoqo'oyi qomi' qami' sa'axataqtapeguema nagui de'eda no'on qad'axaÿaxac mayi ÿachaxanapeguem co'ollaxa som hua'au qadta'alpi ñi Dios.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

2 Pedro 1:11

Qaq yaqto' qami' qoÿanema da qaica ca qami' npaxategueta da qaunoxoñiu'a cam chochaq tateec l'onataxanaxac da ilo'ogue 'enauacna so qadataxala' qataq qadca'alaxaqui Jesucristo.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

Romanos 11:26

Qaq qom mashi ime, nachi 'enauac nam Israel l'ecpi qanca'alaxateec, cha'ayi naua ñiyigui'shi l'aqtaqa ñi Dios 'eeta': Chigoqchiguiña qome yi Sión cam ishit da nsouec naq'en nam llalaqpi so Jacob, qataq nqat qome da lli'itaxaloxo.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Hechos 2:30

Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a.

Juan 7:42

Yi naua ñiyigui'shi l'aqtaqa ñi Dios, naamayi i'axa't da que'eca nta'a nca'alaxaqui, camayi qoÿinac da llalec qome so nta'a David, qataq qoÿinac yi chigoqchiguiña yi Belén, yim lma' co'ollaxa so David.

Juan 4:42

Nachi qoÿiitega aso 'alo, qoÿiita': –Nagui sa ishit da chaqdata da 'ad'aqtaxanaxac da sa'amaqtenaq, cha'ayi qomi' nataq'en maichi ñi'axaÿaxanaqtega somayi, qataq saÿajnaqta da somayi ÿoqta 'eesa da nachiso so nta'a som lca'alaxaqui nam shiÿaxauapi mayi huetalec ana 'alhua.

Lucas 1:69

Ñimayi qomi' ÿanema cam ÿataqta 'añaxaic nca'alaxaqui, chigoqtoigui naq'en na llalaqpi som l-latac l'enaxat David.

Mateo 22:42

nachi so Jesús inat somayipi 'eeta': –Qami', ¿chaq 'éetac ca qadhuennataqai cam nta'a mayi nca'alaxaqui? ¿Chaq négue't llalec camaxa? Nachi somayipi 'enapeco': –Qomyi camayi llalec so nta'a David.

Mateo 21:9

Nachi nam shiÿaxauapi mayi hua'auta qataq nam nca'ataxaatauo nachi i'alaqtagui, 'eeta': –¡Huo'o da lli'oxoyic so llalec so qadta'a David! ¡Ÿataqta no'on da lliquiaxac som nactaigui da l'enaxat ñi qadataxala'! ¡Huo'o da lli'oxoyic ñi qadta'a Dios!

Mateo 1:21

Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.