Hechos 13:2 - Nuevo Testamento Toba Sur

² Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Nuevo Testamento Toba Sombrero Negro

² 'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

La'aqtaqa Ñim Lo'onatac 'Enauacna 2013

² Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Hechos 13:2 Referans Kwoze

Gálatas 1:15

Qalaxayi ñi Dios aÿim lca'aguishic co'ollaq saxanaxa da sañiguiñi, souaxat da lta'adaic lauotaxanaqtaic co'ollaq aÿim iÿaxana. Nachi co'ollaq 'eetec de'eda ñimayi,

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

2 Timoteo 1:11

Qaq ñi Dios ÿanagui da aÿim l'aqtaxanaxanec da sa'axat de'eda n'aqtac. Qataq aÿim ÿamaxalec da sapaxaguen na saq judiopi.

1 Corintios 12:11

Qalaxayi nachisota so 'oonolec Espíritu mayi chigoqo'ot 'enauac ne'enapi. Somayi maichi chigoqchigui da naloqneec na ÿotta'a't lshitaxanaxatpi da ÿanem ñi 'oonolec shiÿaxaua.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Hechos 14:26

Huaña yimayi, nachi huenotreuo da nqo'ooda yi Antioquía yim la ciudad mayi huaña co'ollaq qoÿanoto ñi Dios da ntela'alo dam l'onataxanaxa'c mayi chita'ague nagui da ima't.

Colosenses 4:17

Nataq'en qoñiÿapega qome ca Arquipo, qoñiita': “Ÿataqta 'aupactelco' qome da 'ad'onataxanaxac mayi 'am ÿami' so qadataxala', da yaqto' 'au'onataxanot.”

Lucas 2:37

Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

2 Timoteo 2:2

Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

Efesios 3:7

Qaq aÿim ÿataqta sa ñauapeguela't. Qalaxayi aÿim qoÿanagui da yaqto' sa'axat de'eda n'aqtac, qaq damayi chigoqchigui da l'añaxac ñi Dios.

Hechos 13:3

Qaq co'ollaq ime da qouagaxaunaxac qataq da qouaqchitaxac, nachi qanatameetapeguelguete soomayi, qaÿashiltalguete. Ime, nachi qaÿama'q.

Hechos 10:30

Nachi so Cornelio 'enapeco': –Nagui mashi ivi' naua cuatro na'axa'te da 'eeta'am peta'a nagui yi ñichiguiña aso nala' co'ollaq aÿim soota'a na ima', ñoqouaqchittac qataq ñoqouagaxaueetac. Nachi aÿim nachaxana so shiÿaxaua soua alogo ÿataqta qashilectrapiguiñi.

Hechos 10:19

Qaq so Pedro ñaq iuennatapega som lauanaqchic, nachi so Espíritu Santo 'enapego' somayi, 'eeta': –Huo'oi daua tres shiÿaxa'u 'am nmittapigui.

Hechos 8:29

Nachi so Espíritu Santo 'enapego' so Felipe, 'eeta': –Sa 'auÿotapeque qome asa'aso naigona.

Mateo 9:38

Qaq ÿoqo'oyi qami' qauÿaxañiÿot qome ñim lalamaxat na nanguishic, da yaqto' ñimayi namaq cam 'onataxanaxaicpi.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Hebreos 5:4

Qaq sa ishit da huo'o ca maichi nalligoxojla't da 'enapec lataxala' na ntaxaÿaxanaxanecpi. Cha'ayi ñim Dios mayi nachiñita iÿaxana ca shiÿaxaua, nachi ÿanagui de'eda n'amaqchic, 'eeta'am da 'eetec co'ollaq iÿaxana so Aarón.

2 Timoteo 4:11

Nachaqñita ñi Lucas ñaq aÿim hueta'aguet. Qaq qom 'auanac, nachi 'ananaÿalec ca Marcos da 'anauec, cha'ayi camayi taiguet da aÿim itauan da qad'onataxanaxac.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

2 Corintios 6:5

Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Hechos 6:4

Qaq qomi' nachi qolaqto'ot da qanqouagaxaunaxac qataq da qadapaxaguenataxanaxac da l'aqtac ñi Dios.

Lucas 10:1

Qaq co'ollaq ime de'eda, nachi so qadataxala' nataq'en lca'au'a so laÿipi setenta, nachi ÿamaq, qalaxayi dostega't naq'en, da i'auaxana 'enauac na pueblopi qataq naua 'ale'u mayi tata'alo somayi.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Hechos 13:4

Qaq co'ollaq ime de'eda, nachi so Espíritu Santo ÿama'q so Bernabé qataq so Saulo, nachi soomayi tadegue da Seleucia. Qaq huaña yimayi, nachi huenotreuo da nqo'ootra yi ÿaqa'ata 'alhuolec, l'enaxat Chipre.

Mateo 17:21

Qalaxayi ne'ena 'eeta'am se'eso n'ec leguemaxaic, da qai'odauec, qalaq iuen da nqouagaxauen qataq nqouaqchit ca shiÿaxaua.