Hechos 13:15 - Nuevo Testamento Toba Sur

¹⁵ Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Nuevo Testamento Toba Sombrero Negro

¹⁵ Ca'li yem da'me qodojelo'te gaa'me nedii's jo'ne lamaĝajoĝonaĝaco ñe'me Dios nataq'aen ledii's gaa'me Dios 'laqataĝanaĝanaqa, qama'le jogaa'me lejaliaĝanaqa ga'me nemaĝaiqui dojapegue'to jogaa'me, enapega't: —Ami qadaqaya'olqa, qom 'uo ga'me jetaque anenaĝachiyegue qaedi a'uañaqachichi' jena'me jiyaĝadipi, qama'le anenaĝachiyegue nayi.

La'aqtaqa Ñim Lo'onatac 'Enauacna 2013

¹⁵ Qaq co'ollaq ime da qaitaxaỹaxaatac aso lere so Moisés maye huetalec na nqataxacpi qataq asom lere som la'aqtaxanaxanecpi Ñim Lo'onatac 'Enauacna, nache soua nataxala'ate asom napaxaguenaxaqui na judiopi, soomaye 'enapegalo soua Pablo qataq soua lỹa't, 'eeta': –Qami' qarqaỹa't, da huo'o ca qauauoitaique da qara'añaqtaxanaxaqui, nache no'on da qaua'axachem nagui na shiỹaxauapi.

Hechos 13:15 Referans Kwoze

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.

Hechos 15:21

Cha'ayi dam chigoqta'ague soua hua'a'u vi'iyi huo'o co'ollaxa na shiÿaxauapi mayi i'axatta'pe naua lqataxaco so Moisés mayi qaitaxaÿaxaata'pe yi na'a'q mataxaqui da huaigui ana laponaxaquipi na judiopi.

Marcos 5:22

Nachi nvi' so 'oonolec nam nataxala'pi, somayi ilotague' aso laponaxaqui na judiopi, l'enaxat da Jairo. Qaq co'ollaq ila'a so Jesús, nachi i'adoto naua l-llicte.

1 Corintios 14:3

Qalaxayi ca i'axa't naua l'aqtaqa ñi Dios, camayi da'aqtaxanem ca lÿa da nañaxat naq'en, qataq da i'añaqchit, qataq da ÿanem da lamaiquiaxac.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Hechos 22:1

–Qami' ÿaqaÿañicpi, qataq qami' ita'alpi, ña qan'axaÿaxañiÿa da itaxaÿaxac da qami' shinapegalo.

Hechos 18:17

Nachi 'enauac nam griego l'ecpi ÿaconeu'a so Sóstenes som nataxala' aca naponaxaqui, nachi ÿataqta qaiuaxaatac, ÿauaachigui qanqoÿin so nta'a Galión. Qalaxayi somayi sa ishit da ÿoqochitega de'eda.

Hechos 13:27

Cha'ayi nam shiÿaxauapi mayi netaña yi Jerusalén qataq nam lataxala'pi, namayipi sa ishit co'ollaxa da ÿauatton so Jesús, qataq namayipi sa ishit da ÿaÿajnegueta naua l'aqtaqa som l'aqtaxanaxanecpi ñi Dios mayi qaitaxaÿaxaata'pe naxa da huaigui ana laponaxaquipi namayipi yi na'a'q mataxaqui, nachi qoÿanguet somayi da nalaataguec. Qaq de'eda i'ot, damayi ipacchigui dam i'axattac co'ollaxa so n'aqtaxanaxanecpi.

Hechos 20:2

Nachi quetaguilo 'enauaque se'esoua 'ale'u, ÿataqta qalota da l'añaqtaxanaxac da i'añaqchittac na 'amqajnataxanaxaicpi, chochi ivitta'a yi Grecia.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Hechos 7:2

Nachi somayi 'enapeco': –Qami' ÿaqaÿadolqa, qataq qami' ita'alpi, ñaq aÿim qan'axaÿaxañiÿa. Ñim qadta'a Dios mayi ÿi'oxodaic, ñimayi nachaxana co'ollaxa so qadta'a Abraham co'ollaq somayi hueta'a yi 'alhua Mesopotamia, co'ollaq somayi saxanaxa da taÿa yi Harán.

Hechos 2:37

Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita': –Qami' qadqaÿa't, qaq nagui ¿chaq huá'ague ca shinaqtec?

Hechos 2:29

Qami' ÿaqaÿa't, qami' qauaÿajñiita da so hua'au qadta'a David, somayi co'ollaq ileu, nachi qailayiñi, qaq nagui ña seloqta'a añi nhuachiqui da ñaq huo'o.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Lucas 16:16

Na nqataxacpi mayi chigoqo'ot so Moisés qataq nam lapaxaguenataxanaxacpi som l'aqtaxanaxanecpi ñi Dios, namayi ñaq huo'o, chochi ivitta'a co'ollaq nvi' so Juan. Huaña, nachi qai'axat da l'onataxanaxac ñi Dios da ilo'ogue 'enauacna, nachi 'enauac na shiÿaxauapi ÿataqta n'añaxat da inoxoneu'a damayi.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

1 Ts 2:3

Cha'ayi qomi' saÿajnaqta da sa ishit da nsomaxac da sa'axataqtac, qataq sa ishit da sa ÿaÿamaxañi ca shinaqtapeguec, qataq sa ishit da qadhuennataxa da qami' satenachitaqta'pe.