Hechos 13:1 - Nuevo Testamento Toba Sur

¹ Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Nuevo Testamento Toba Sombrero Negro

¹ Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

La'aqtaqa Ñim Lo'onatac 'Enauacna 2013

¹ Qaq nam ỹa'amaqten So Jesús maye netaña ye nỹecpi ye Antioquía huo'oi soua la'aqtaxanaxanaqa Ñim Lo'onatac 'Enauacna, qataq huo'oi soua dapaxaguenataxaata'ape. Qaq naua le'enaqa'ate soomaye Bernabé, qataq so Simón (da lỹa le'enaxat Hueraic), qataq so Lucio, maye lma' ye nỹecpi ye Cirene, qataq so Menahem (som nacta'ai' co'ollaxa so nta'a Herodes maye ilotague' ye 'alhua Galilea), qataq so Saulo.

Hechos 13:1 Referans Kwoze

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Hechos 15:35

Nataq'en so Pablo qataq so Bernabé, soomayi n'oidaña yi Antioquía. Nachi soomayi, nataq'en huo'o na qalota laÿipi', queto'oto da lapaxaguenataxanaxa'c da i'axattrac da l'aqtac so qadataxala'.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Hechos 13:9

Huaña, nachi so Saulo mayi nataq'en l'enaxat Pablo, mayi ÿataqta nlaqchigui so Espíritu Santo, nachi ÿataqta ilochigui somayi.

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Hechos 15:32

Cha'ayi som Judas qataq so Silas, soomayi nataq'en l'aqtaxanaxanqa ñi Dios. Nachi soomayi i'añaqchi't qataq huaqattrega so nqaÿañicpi, ÿataqta lta'adaic da lqataxa'c.

Lucas 3:1

Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

Filipenses 4:22

Nataq'en qami' ÿamaxalo da lquinaxanaxac 'enauac nam hueta'a ne'ena nam lalamaxatpi ñi Dios. Qataq ÿataqta lta'adaic da lquinaxanaxac nam nallippi ñim lta'a na nta'alpi mayi netaña na Roma.

Gálatas 2:13

Huaña, nachi na laÿipi judiopi mayi 'amqajnataxanaxaicpi nachi qai'enaxat so Pedro dam lli'iÿaxa. Qaq ivida'a nataq'en so Bernabé ÿalectoigui somayi da lli'iÿaxa.

1 Corintios 9:6

Qaq qami' ¿qaupi'itaxañiÿa peta'a da aÿim qataq so Bernabé nachiqomaqta da sa ishit da saxanaxañi da yi'oqchigui qad'onataxanaxac souaxat da sa'axataqtac da n'aqtac?

Romanos 16:21

Nataq'en qami' ÿamaxalo da lquinaxanaxac ñi Timoteo mayi ñitaunaxaua, qataq ñi Lucio, Jasón qataq ñi Sosípatro nam iuo' lashi'.

Hechos 21:9

Qaq se'eso Felipe huo'oi soua cuatro llale. Soomayi saxanaxa da huado'n, qaq soomayi l'aqtaxanaxanal ñi Dios.

Hechos 19:6

Nachi so Pablo co'ollaq ÿashiltalec somayipi, nachi so Espíritu Santo anac da tanguit somayipi. Huaña, nachi detaxaiguilo naua n'aqtaqa mayi sa qaÿauanapegalo, qataq i'axatta'pe naua l'aqtaqa ñi Dios.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

1 Ts 5:20

Sa ishit da qau'otañi da l'aqtaxanaxac ca i'aqtaxanaxac ñi Dios.

Hechos 12:25

Qaq so Bernabé qataq so Saulo co'ollaq ima't da l'onataxanaxa'c, nachi ÿi'iguela'q, chigoqchiguiña yi Jerusalén. Qaq qannaictague' so Juan, da lÿa l'enaxat Marcos.

Hechos 9:1

Qaq so Saulo ñaq queto'ot da ÿadeetega da ÿalauat na i'amaqteetac so qadataxala'. Qaq ÿoqo'oyi somayi nqo'oneu'a so lta'a na ntaxaÿaxanaxanecpi da qaitaxaÿapegue' ñi Dios.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

1 Corintios 11:4

Ca shiÿaxaua da ÿapotalec na lqaic da huo'otaq nqouagaxaueetac, huo'otaq i'axattac da l'aqtac ñi Dios, camayi huota'a naq'en da n'enaguec na lqaic, souaxat da ÿapotalec.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

1 Corintios 13:8

Da nsoxoyic qaica ca loga't. Cha'ayi huo'o qome ca na'a'q da sa iuen da qai'axa't naua l'aqtaqa ñi Dios, huo'otaq da qaitaxaiguilo naua n'aqtaqa mayi sa qaÿauangalo, huo'otaq da nauattonaxanaxac.

1 Corintios 14:29

Qaq da huo'otaq huo'oi caua i'axa't naua l'aqtaqa ñi Dios, qaq no'on da nachajyiñi caua dos huo'otaq tres da da'aqtaxa'n. Qaq na laÿipi naloqten da l'aqtaxanaxa'c caamayi.

1 Corintios 14:32

Qaq na i'axatta'pe naua l'aqtaqa ñi Dios, namayipi no'on da iloteguelo naua ltaxaÿaxaco,