Hechos 12:4 - Nuevo Testamento Toba Sur

⁴ Qaq co'ollaq mashi qaÿaconeu'a so Pedro, nachi so Herodes ÿanaigui somayi aso ncoñitaxanaxaqui. Nachi nauaatalec naq'en so dieciseis huataxanaqpi, cuatro naq'en naua huaxaÿapega't, cha'ayi somayi ÿauotaique da qom ime so naponaxac, nachi nqateec so Pedro da ÿachaxana 'enauac na shiÿaxauapi da ÿalauat.

Nuevo Testamento Toba Sombrero Negro

⁴ Ca'li yem da'me qoyecoñe', Herodes yamaĝaue jaga'me coñetaĝanaĝaiqui ñe'me Pedro, jo'ne ua'a da'me dieciséis gaa'me coico laje' qoye'n cuatro da'me uaĝayapega't qaedi yiviteda'a. Lelnataĝac da'me yaloĝonouelo ga'me jiyaĝadipi da'me yem ga'me nolo' jo'ne Pascua.

La'aqtaqa Ñim Lo'onatac 'Enauacna 2013

⁴ Qaq co'ollaq mashe qaỹaconeua'a so Pedro, nache so Herodes ỹanaigui somaye aso ncoñetaxanaxaqui. Nache nauaatalec naqa'en so dieciséis huataxanaqpi, cuatro naqa'en naua huaxaỹapega't, cha'aye somaye ỹauotaique da qom ime so naponaxac le'enaxat Lapascua, nache nqatec so Pedro da ỹachaxana 'enauac na shiỹaxauapi da ỹalauat.

Hechos 12:4 Referans Kwoze

Lucas 22:33

Nachi so Simón 'enapeco': –'Am ÿataxala', aÿim qaica ca shiga da 'am iÿateuo aca ncoñitaxanaxaqui, ivitta'a da 'am seleutañi'.

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Hechos 4:28

Qaq de'eda i'ot namayipi ipacchiguilo 'enauaque naua 'alapaxayiñi 'adhuennataxaco co'ollaq ñaq taÿa'a de'eda.

Hechos 4:3

Nachi qaÿaue'c soomayi da qaicoñi't, nachi qoÿanaiguilo aso ncoñitaxanaxaqui. Nachi qaiuata'aguet so lÿa na'a'q, cha'ayi mashi avit.

Juan 21:18

Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.

Mateo 26:5

Qalaxayi somayipi 'enapeco': –Sa ishit qome da huetoigui ñaqashinaq naua na'axa'te naponaxaqui', yaqto' sa ishit da i'elaxa't na shiÿaxauapi.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Hechos 5:18

Nachi ÿaconeu'alo soomayi da icoñi't, ÿaadaigui aca ncoñitaxanaxaqui late'edai.

Juan 19:23

Qaq so allippi co'ollaq imat da iuaxaneuo so Jesús, nachi qaÿaconalo soua alogo, nachi se'esoua cuatro ale't 'oonolec qanqoÿin ñi talec. Qataq qaÿacona aso lapoto, qalaxayi asomayi yi qaica ca ltetaxat ima'a't.

Marcos 14:1

Qaq mashi saxanaxalo caua dos na'axa'te da iviteuga ca laloxoqui da qaiuennate co'ollaq qanayica'ai so Egipto qataq som na'a'q mayi huetoigui da qanallic ana pan mayi qaca aca lalecte. Nachi nam lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi, namayipi ilotaique ca lataxac da ÿachigoxotchigui da ÿaconeu'a so Jesús da ÿalauat.

Hechos 12:3

Qaq somayi co'ollaq ila'a da na judiopi ÿataqta ÿaÿamaxadeeta de'eda, nachi nataq'en damaxasoxoolec da qaicoñi' so Pedro. Qaq de'eda nachi huetoiguilo soua na'axa'te da qanallic ana pan mayi sa qaÿauo'o ana lalecte.

Hechos 12:5

Qaq ÿoqo'oyi so Pedro netaigui aso ncoñitaxanaxaqui, ÿataqta qanauaatalec. Qalaxayi na 'amqajnataxanaxaicpi ÿataqta huo'o da l'añaxac da queto'ot da nqouagaxaueetacot ñi Dios, da nqouagaxaueetapeguelec somayi.