Hechos 12:3 - Nuevo Testamento Toba Sur

³ Qaq somayi co'ollaq ila'a da na judiopi ÿataqta ÿaÿamaxadeeta de'eda, nachi nataq'en damaxasoxoolec da qaicoñi' so Pedro. Qaq de'eda nachi huetoiguilo soua na'axa'te da qanallic ana pan mayi sa qaÿauo'o ana lalecte.

Nuevo Testamento Toba Sombrero Negro

³ qama'le da'me yauana da'me dojo' queda'me 'yamaqate'n joga'me judiopi, nach'e ena'am damaĝajoĝolegue qaedi qoyecoñe' ñe'me Pedro. Dojo' 'uo ca'li gaa'me noloqo'ote nale qo'nonaĝachigui da'me qoyalic jaga'me pan jo'ne qaya'te lale'gue.

La'aqtaqa Ñim Lo'onatac 'Enauacna 2013

³ Qaq somaye co'ollaq ila'a da na judiopi ỹataqta ỹaỹamaxareeta de'era, nache nataqa'en damaxasoxoolec da qaicoñe' so Pedro. Qaq de'era nache huetoiguilo soua na'axa'te da qanallec ana nauole 'ayiiña maye qaca aca lalecte maye ỹasheeraxachigui.

Hechos 12:3 Referans Kwoze

Hechos 24:27

Qaq ivi' soua dos vi'iyi da 'eeta'ac de'eda. Nachi so Félix co'ollaq ÿaxaneec da nta'a, nachi anac so Porcio Festo da qoÿanagui da l'onataxanaxac somayi. Qaq so Félix, cha'ayi huotaique da chochi qaica ca da naq'en na judiopi, nachi queto'ot da qaicoñittai' naq'en so Pablo.

Juan 12:43

qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.

Hechos 25:9

Qalaxayi so Festo, yi nshitaique da qaica ca da naq'en na judiopi, nachi inat so Pablo, 'eeta': –¿'Anshitaique peta'a da 'aigue da Jerusalén, da yaqto' hua'ague damayi da 'am ñomit da huo'otaq 'en da huo'o ca 'adasouaxashit?

Gálatas 1:10

Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

Hechos 20:6

Cha'ayi qomi' can ime so na'a'q naponaxaqui mayi huetoigui da qanallic ana pan mayi sa qaÿauo'o ana lalecte, nachi senoxonaxauec, sachigoxosoqchiguiña yi Filipos, senotaxau'a aso barco. Qaq ivi' soua cinco na'axa'te, nachi sovitaxa yi Tróade yim huetra'a soomayi. Huaña yimayi, nachi ivi' soua siete na'axa'te da souaqta'a.

1 Ts 2:4

Chaqdata da ñi Dios qomi' ÿi'igue'n. Qaq co'olla qomi' ÿaÿamaxadeete' nachi qomi' ipataxalguete da sa'axataq da l'aqtac mayi chigaqaigui da nca'alaxa. Qa nachida da huo'o mshi sa'aqtaxanaqtac. Sa ishit da ñimitaqtaique da chochi qomi' ÿaÿamaxadeeta'pe naua qadquiyaqte.

Juan 21:18

Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Mateo 26:17

Qaq som l'auaxanec na'a'q mayi huetoigui da qanallic ana pan mayi sa qaÿauo'o ana lalecte, nachi soua lapaxaguenataqa so Jesús inattrac somayi, 'eetra': –¿Chaq huá'ague ca 'anshitaique huaña da qomi' saqataxanqai', da yaqto' 'am 'auque'e ca na'a'q mayi huetoigui da qaiuennate da qanayica'ai yi Egipto?

Hechos 4:13

Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

Hechos 2:14

Nachi so Pedro nachajñi, nataq'en soua lÿa't once namaxa'shi, nachi somayi ÿataqta n'axanneque naua l'aqtaqa co'ollaq detaqa, 'eeta': –Qami' Judea lashi' qataq 'enauac nam netaña na Jerusalén, ñishitaique da qami' qauaÿajñi de'eda, qaq no'on da qan'axaÿaxañiichigui de'eda shinapec.

Hechos 12:4

Qaq co'ollaq mashi qaÿaconeu'a so Pedro, nachi so Herodes ÿanaigui somayi aso ncoñitaxanaxaqui. Nachi nauaatalec naq'en so dieciseis huataxanaqpi, cuatro naq'en naua huaxaÿapega't, cha'ayi somayi ÿauotaique da qom ime so naponaxac, nachi nqateec so Pedro da ÿachaxana 'enauac na shiÿaxauapi da ÿalauat.