Hechos 12:21 - Nuevo Testamento Toba Sur

²¹ Nachi so Herodes ÿauo'o so na'a'q mayi laloqnec da anac naq'en so shiÿaxauapi. Qaq co'ollaq ivita se'eso na'a'q, nachi somayi ÿaayiñi soua alogo mayi lalegaxaqui', nachi nso'oongui aso nso'onaxaqui da nta'a, nachi ÿauo'o so ltaxaÿaxac.

Nuevo Testamento Toba Sombrero Negro

²¹ Qama'le 'uo jo'me nolo' qoyeque'ta, Herodes yaidiñe gaa'me leuo jo'ne lajaliaĝaqui', qama'le nañgui jaga'me neje'onaĝaiqui jo'ne lejaliaĝaiqui da'me ya'uo ga'me lojaĝac.

La'aqtaqa Ñim Lo'onatac 'Enauacna 2013

²¹ Nache so Herodes ỹauo'o so na'a'q maye laloqnec da anac naqa'en so shiỹaxauapi. Qaq co'ollaq ivita se'eso na'a'q, nache somaye ỹaayiñi soua alogo maye lataxau' da lo'onataxanaxac da nta'a, nache nso'ongui aso nso'onaxaqui, ỹataqta nlaqchigui da ño'oxonnaxac, nache ỹauo'o so ltaxaỹaxac.

Hechos 12:21 Referans Kwoze

Mateo 27:19

Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

Hechos 12:20

Qaq so Herodes ÿataqta dalemataÿa nam shiÿaxauapi mayi netaña yi Tiro qataq yi Sidón. Qalaxayi somayipi co'ollaxa huaxaÿa't da qaÿauotaique qanqo'oneu'a somayi da qaitaxaÿapegue'. Qalaxayi qai'auaxaañi da qaitaxaÿapegue' so Blasto som nta'a lta'adaic mayi ltaua so Herodes, da yaqto' somayi detaxaÿapegue' so nta'a, da yaqto' ÿanem da l-lagaxayic somayipi. Cha'ayi somayipi da lqui'axac nachi ÿachigoxottapiguiña yim n'alhua so nta'a.

Hechos 12:22

Nachi na shiÿaxauapi i'alaqtagui, 'eeta': –¡Ñi'iñi shiÿaxaua mayi detaqtac sa ishit da chochi shiÿaxaua, ñimayi 'eeta'am na saq cha'a ntaxaÿaxaua!

Hechos 24:1

Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Hechos 25:23

Qaq so lÿa na'a'q co'ollaq nvildeuo so Agripa qataq aso Berenice, nachi ÿataqta qalota da lli'oxoyic qanqoÿin, lÿatreuo so huataxanaq lta'alpi qataq nam nta'alpi yim la ciudad da qotaigui aso ntaxaÿaxaqui. Nachi so Festo damaxasoxoneuga so Pablo.