Hechos 12:12 - Nuevo Testamento Toba Sur

¹² Qaq tatapigui lauel de'eda so Pedro, nachi nqo'ona ca lma' aso María mayi late'e so Juan, da lÿa l'enaxat Marcos. Qaq somayi nachi hueta'a so qalota shiÿaxauapi lapoota'a't, nqouagaxaueetac.

Nuevo Testamento Toba Sombrero Negro

¹² Mane'e da'me yetaden da'me dojo', Pedro yec'ata di'me María 'lachaqa', nach'añe lat'e ñe'me Juan lenaĝat laqaya Marcos, qayoĝode' gaa'me jiyaĝa'u ueteda'a jo'ne yema'a't da'me netame'tape.

La'aqtaqa Ñim Lo'onatac 'Enauacna 2013

¹² Qaq tatapigui lauel de'era so Pedro, nache nqo'ona ca lma' aso María maye late'e so Juan, da lỹa le'enaxat Marcos. Qaq somaye nache hueta'a so qalota shiỹaxauapi lapoota'a't, nqouagaxaueetac.

Hechos 12:12 Referans Kwoze

Hechos 12:5

Qaq ÿoqo'oyi so Pedro netaigui aso ncoñitaxanaxaqui, ÿataqta qanauaatalec. Qalaxayi na 'amqajnataxanaxaicpi ÿataqta huo'o da l'añaxac da queto'ot da nqouagaxaueetacot ñi Dios, da nqouagaxaueetapeguelec somayi.

Filemón 1:24

qataq ñi Marcos, Aristarco, Demas qataq ñi Lucas mayi aÿim itauaata'pe de'eda i'onataxanaxac.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Hechos 12:25

Qaq so Bernabé qataq so Saulo co'ollaq ima't da l'onataxanaxa'c, nachi ÿi'iguela'q, chigoqchiguiña yi Jerusalén. Qaq qannaictague' so Juan, da lÿa l'enaxat Marcos.

2 Timoteo 4:11

Nachaqñita ñi Lucas ñaq aÿim hueta'aguet. Qaq qom 'auanac, nachi 'ananaÿalec ca Marcos da 'anauec, cha'ayi camayi taiguet da aÿim itauan da qad'onataxanaxac.

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.

Hechos 13:13

So Pablo qataq soua lÿa't huenotreuo, chigoqchiyiña yi Pafos da nqo'ooda yi Perge mayi huaigui yim 'alhua Panfilia, qalaxayi so Juan Marcos ÿi'iguelaxague da Jerusalén da saq ca'atoiguilo soomayi.

Hechos 16:40

Nachi soomayi co'ollaq queda'ai aso ncoñitaxanaxaqui, nachi nqo'oodeuga ca lma' aso Lidia. Qaq co'ollaq ima't da nauaneto na nqaÿañicpi qataq da i'añaqchittrac, nachi soomayi je'c.

Hechos 4:23

Qaq so Pedro qataq so Juan co'ollaq qaisodeec, nachi soomayi nqo'ooda cam hueta'a som maichi laÿipi, nachi da'aqtaxaatrapeguem somayipi 'enauac na l'aqtacpi so lataxala'pi na ntaxaÿaxanaxanecpi qataq som nquedoxonecpi.

1 Pedro 5:13

Qaq nam 'amqajnataxanaxaicpi mayi netaña na Babilonia, nam lca'aguishicpi ñi Dios mayi 'eeta'am da qoñiita, namayipi qami' ÿamaxalo da lquinaxanaxac, qataq nataq'en ñim 'eeta'am da ÿalec Marcos.