Hechos 12:10 - Nuevo Testamento Toba Sur

¹⁰ Qalaxayi co'ollaq napacdalec caua hua'auchiyiñi nauanaxanaxanqa qataq jec napactalguete caua lÿa't, chochi ivittrauga so lasom mayi ima'a't lcat mayi pa'aiguet so nqa'aic. Nachi se'eso lasom maichi nauatoigui, nachi inoxoodeec, nachi je'c. Qaq co'ollaq napacdalec ca 'oonolec nqa'aic, nachi so namaxashic piguem l'ec ca'ai somayi da ndoqteeteec.

Nuevo Testamento Toba Sombrero Negro

¹⁰ Qalaĝaja leuotalo'te gaa'me 'uaediñe vitaĝayaqa, yem gaa'me p'atedegue, qama'le ca'li yovideda'ya ga'me jom jo'ne laicaua 'me p'ateguet ga'me, qama'le ga'me jom mach'ega da'me 'nouategue, yenoĝodegue, ca'li napaquedalegue ga'me onolec noqoyaĝac, ñe'me piyem le'ec male yejamaĝat.

La'aqtaqa Ñim Lo'onatac 'Enauacna 2013

¹⁰ Qalaxaye co'ollaq napacralec caua hua'auchiyiñi nauanaxanaxanaqa qataq jec, napactaleguete caua lỹa't, choche ivittrauga so lasom maye ima'a't lcat maye pa'aiguet so nqa'aic. Nache se'eso lasom maiche nauatoigui, nache inoxoore'c, nache je'c. Qaq co'ollaq napacralec ca 'oonolec nqa'aic, nache so namaxashec piguem le'ec ca'ai somaye da ndoqteetec.

Hechos 12:10 Referans Kwoze

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

Hechos 16:26

Nachi nque'elaxatta da huo'o so nacholaxanaxa, nachi ÿataqta ÿacholaxanapec aso ncoñitaxanaxaqui, ivida'a naq'en na pa'aguiñi. Huaña, nachi maichi nauatoiguilo naua laso'mi, qataq maichi huesodeec naua lque'te na ncoñitaguishicpi.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Hechos 12:4

Qaq co'ollaq mashi qaÿaconeu'a so Pedro, nachi so Herodes ÿanaigui somayi aso ncoñitaxanaxaqui. Nachi nauaatalec naq'en so dieciseis huataxanaqpi, cuatro naq'en naua huaxaÿapega't, cha'ayi somayi ÿauotaique da qom ime so naponaxac, nachi nqateec so Pedro da ÿachaxana 'enauac na shiÿaxauapi da ÿalauat.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.