Hechos 12:1 - Nuevo Testamento Toba Sur

¹ Qaq se'esoua na'axa'te nachi so nta'a Herodes damaxasoxoolec da huo'o na qaicanapec na 'amqajnataxanaxaicpi.

Nuevo Testamento Toba Sombrero Negro

¹ Jaa'me jaajo' noloqo'ote, ñe'me jaliaĝanec Herodes ya'uo necanague'j gaa'me p'etaqadayaqa.

La'aqtaqa Ñim Lo'onatac 'Enauacna 2013

¹ Qaq se'eso na'a'q, nache so nta'a Herodes Agripa, maye ilotague' na judiopi, damaxasoxoolec da qaỹaconeua'a qataq sa qaiyacnapec na ỹa'amaqten So Jesús.

Hechos 12:1 Referans Kwoze

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Juan 15:20

Qaq qauennachiÿa'a qome da i'aqtac mayi qami' sanema co'ollaq shiita': “Qaica ca nlatac da huo'otaq ishit da napacalec ca n'aco'.” Qaq da huo'otaq aÿim qaicaatac co'ollaxa, qaq nataq'en da qoñiita huo'o da qancanaguiiqui. Qaq da ÿataqta qaÿalaxalec da ÿapaxaguenataxanaxac, qaq nataq'en qome ÿataqta qaÿalaxaguet da qadapaxaguenataxanaxaqui.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Mateo 14:1

Nachi se'esoua na'axa'te som Herodes mayi ilotague' yi Galilea, somayi ÿaÿaten da n'aqtaguec so Jesús.

Mateo 14:3

Cha'ayi som Herodes damaxasoxoolec co'ollaxa da qaÿaconeu'a so Juan, nachi qaicoñida't naq'en naua lhua'q, nachi qaÿauegueu'a aso ncoñitaxanaxaqui. Qaq damaxasoxoolec, cha'ayi souaxat aso lhua Herodías mayi lhua co'ollaxa so lqaÿa l'enaxat Felipe.

Mateo 14:6

Qalaxayi co'ollaq ivita so laloqo' da deque'elec so lañoxoqui so Herodes, nachi aso llale aso Herodías dasottac, qaq 'enauac som lqui'axauapi imeteetac. Nachi so Herodes ÿataqta nqopita da lasotaxac asomayi.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

Hechos 12:2

Nachi damaxasoxoolec da qaÿalauat so Santiago som lqaÿa so Juan, qaidolec ca ÿiilonec.