Hechos 11:26 - Nuevo Testamento Toba Sur

²⁶ Nachi nedaña yimayi, ÿalectraigui na 'amqajnataxanaxaicpi, ivi' 'oonolec vi'i. Nachi ÿataqta qalota na shiÿaxauapi na ÿapaxagueetrac. Qaq huaña yi Antioquía, nachi chita'ague da na 'amqajnataxanaxaicpi qailonec da quetague' so Cristo.

Nuevo Testamento Toba Sombrero Negro

²⁶ qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

La'aqtaqa Ñim Lo'onatac 'Enauacna 2013

²⁶ Nache neraña yemaye, ỹalectraigui na ỹa'amaqten So Jesús, ivi' so 'oonolec vi'i. Nache ỹataqta qalota na shiỹaxauapi na ỹapaxagueetrac. Qaq huaña ye Antioquía, nache cheta'ague da na ỹa'amaqten So Jesús qailonec da «nam quetague' So Cristo.»

Hechos 11:26 Referans Kwoze

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

Hechos 26:28

Nachi so Agripa 'enapeco': –Mashi huac da aÿim 'auañoxot da yaqto' sa'amaqten so Cristo.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

Efesios 3:15

ñim chigoqo'ot na l'enaxat nam ÿotta'a't nhuo' l'ecpi mayi netalec ana 'alhua qataq nam lamaxashicpi mayi hueto'ot na piguem.

1 Corintios 14:23

Qaq ÿoqo'oyi da 'enauac na 'amqajnataxanaxaicpi da huo'otaq lapoota'a't, qaq da 'enauac detaxaiguilo naua n'aqtaqa mayi sa qaÿauangalo, qaq da huo'otaq nnoxoneuo ca saqca ca ÿaÿajnapec, huo'otaq saxanaxa da da'amqajnataxan, qaq ¡yi'oqta da 'eetega da qami' huo'o da qan'onataxaqui!

1 Corintios 12:12

Cha'ayi so Cristo 'eeta'am da 'oonolec n'oquiaxac mayi saqalota na logoxoshitpi. Qaq ne'ena logoxoshitpi, nai'ctaxa da saqalota, qalaxayi n'atta'a't, 'oonolec da n'oquiaxac.

1 Corintios 11:18

Qaq da hua'auchiguiñi i'aqtac 'eeta': Sa'aqtapeguelec da qoÿiitega quenaxa da ivita da qalapoñiÿa't da qau'onaxañi, qalaq nda'a't da qami' qaucolaqaitagui. Qaq 'eeta'am ñaqashin da cada'acolec da 'eesa damayi.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.

Hechos 11:22

Nachi nam 'amqajnataxanaxaicpi mayi netaña yi Jerusalén, co'ollaq l'axaÿaxac de'eda, nachi qaÿamaq so Bernabé da taÿa yi Antioquía.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Juan 2:2

Nachi so Jesús qataq soua lapaxaguenataqa, soomayi nataq'en qaicoyigue'n da yaqto' ÿalectrau'a se'eso nadonaxac.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Hechos 9:19

Qaq co'ollaq ime, nachi somayi deque'e, nachi qaltaq huo'o da l'añaxac. Nachi huo'oi soua na'axa'te da huetaigui so 'amqajnataxanaxaicpi mayi netaña yi Damasco.

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Hechos 14:20

Qalaxayi so 'amqajnataxanaxaicpi co'ollaq qalaponeu'a so Pablo, nachi somayi ñishiguem, nachi qaltaq tau'a so pueblo. Qaq so lÿa na'a'q, nachi jec, lÿatac so Bernabé da tadegue da Derbe.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Hechos 14:28

Nachi so Pablo qataq so Bernabé ÿataqta huo'oi soua ca'agoxoiqa da hueta'aguet na 'amqajnataxanaxaicpi da nedaña yimayi.

Hechos 18:27

Nachi so Apolo co'ollaq huo'o da lyaxa da taitague da 'alhua Acaya, nachi so nqaÿañicpi itauan somayi da i'añaqchit, nachi qaÿauo'o aso nede qaÿamaxa so 'amqajnataxanaxaicpi mayi naña que'eca 'alhua da ÿataqta qailo'oguet somayi. Nachi somayi co'ollaq ivita yi Acaya, nachi ÿataqta lta'adaic da ltaunaxanaxac da itauaatac nam ñi Dios ÿachigoxotchigui naq'en da lqouagaxanaqtaic da da'amqajnataxan naq'en.

Hechos 19:9

Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.

Hechos 20:1

Qaq co'ollaq mashi ime se'eso cotaxac, nachi so Pablo iÿaxanoigui na 'amqajnataxanaxaicpi, da yaqto' ÿanem da lqataxac. Ime, nachi ncoyigueetague' somayipi, nqapaltague', nachi taigue da Macedonia.

Hechos 20:30

Qataq da qoñiita huo'o qome ca maichi qami' chigoqchiguinguilo, nachi dapaxaguenataxanec na chochi ashipegaxanaxac, qaq sa ishit da i'axat cam ÿoqta 'eesa, cha'ayi nshitaique da na 'amqajnataxanaxaicpi quegue camayi.

Hechos 21:4

Nachi qomi' ñauanaxai' na 'amqajnataxanaxaicpi, nachi souaqa'aguet somayipi soua siete na'axa'te. Nachi so Espíritu Santo da'aqtaxanem somayipi, da yaqto' 'enapega so Pablo da yaqto' sa ishit da taigue da Jerusalén.

Santiago 2:7

¿Sa nachino' namayipi nam ishiueetac da no'on l'enaxat so Cristo dam qami' qailonque?