Hechos 11:24 - Nuevo Testamento Toba Sur

²⁴ Cha'ayi so Bernabé ÿataqta no'on da lataxac, qataq somayi nlaqchigui so Espíritu Santo qataq da lpi'iÿaxac. Qaq ÿoqo'oyi ÿataqta qalota so dalaxaic shiÿaxauapi da quegue so qadataxala'.

Nuevo Testamento Toba Sombrero Negro

²⁴ Qa'a ñe'me Bernabé yataqachiñe onaĝaicaloec ca'li, nejaqachigui ñe'me Dios Lepaqal nataq'aen da'me lepe'e. Qama'le naq'aeta da'me jalcote ga'me jiyaĝadipi quetegue ñe'me Jaliaĝanec.

La'aqtaqa Ñim Lo'onatac 'Enauacna 2013

²⁴ Cha'aye so Bernabé ỹataqta no'on da lataxac, qataq somaye nlaqchigui So Saqcha'a Na'añaxac Qui'itta qataq da lpi'iỹaxac. Qaq ỹoqo'oye ỹataqta qalota so dalaxaic shiỹaxauapi da quegue So Qarataxala'.

Hechos 11:24 Referans Kwoze

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Hechos 5:14

Qaq ivida'a da ÿataqta qalota na i'amaqten so qadataxala', na ÿallippi qataq na 'alpi.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Romanos 15:15

Qalaxayi ñaqaiyita sa ishit da shi'iÿalec ana'ana ÿide da qami' samaxalo da sa'axatta 'enauac namayipi, yaqto' sa ishit qome da qaucouai'ai. Cha'ayi maichi chigoqchigui naq'en da lqouagaxanaqtaic ñi Dios da aÿim ÿanagui da i'onataxanaxac,

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Hechos 6:8

Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi.

Hechos 6:3

Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

Romanos 5:7

Ÿataqta 'eesa da qaica ca shiÿaxaua da huo'otaq ishit da ÿañoxot da nañaalec da ileualec ca 'eeta'am lÿa, nai'ctaxa da huo'otaq ipacchiguilo naua nqataxaco. Qalaxayi sa iuena'a da huo'otaq huo'o ca ishit da ÿañoxot da nañaalec da ileualec ca lÿa mayi ÿataqta soxodaic.

Hechos 24:16

Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

Juan 7:12

Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Lucas 23:50

Qaq huo'o so shiÿaxaua ÿataqta no'on da lataxac qataq sa ishit da i'ot ca sa ÿaÿamaxañi, l'enaxat da José, lma' yi pueblo Arimatea huaigui yi 'alhua Judea. Somayi nachi ÿalectaigui na nta'alpi mayi loicnatac na lataxacpi na judiopi.

Mateo 19:17

Nachi so Jesús 'enapeco': –¿Tá'ainco' yi qonetega da aÿim soxodaic? Yi qaica cam lÿa ñim soxodaic, 'oonolec Dios. Qalaxayi da 'am 'anshitaique da 'aunoxoneu'a da nca'alaxa, qaq no'on da 'am ÿataqta 'aualaxalec nam lamaxasoxonaxacpi ñi Dios.

Mateo 12:35

Cam no'on shiÿaxaua da detaqa, qalaq no'o'n naua l'aqtaqa, cha'ayi dam ÿaÿamaqchiguiñi huetagui añi lquiyaqte. Qataq cam qauem shiÿaxaua da detaqa, qalaq qauema naua l'aqtaqa, cha'ayi dam qauem huetagui añi lquiyaqte.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.