Hechos 11:20 - Nuevo Testamento Toba Sur

²⁰ Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Nuevo Testamento Toba Sombrero Negro

²⁰ Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

La'aqtaqa Ñim Lo'onatac 'Enauacna 2013

²⁰ Qalaxaye huo'o na 'amqaanataxanaxaicpi maye chegaqa'ata añi ỹaqa'ata 'alhuole le'enaxat Chipre qataq ye nỹecpi ye Cirene na nvita ye nỹecpi ye Antioquía. Nache namayepi nataqa'en da'aqtaxanem nam saishet da judiopi, da ỹa'axatem dam no'on qara'axaỹaxac maye na'aqtaguec So Jesús maye Qarataxala'.

Hechos 11:20 Referans Kwoze

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 2:10

qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Hechos 9:29

Nachi somayi ÿataqta sa ishit da ñi'itapeguelec da i'axattac so qadataxala', nachi n'aqtaxaatapegue' qataq ncotatapegue' nam judiopi mayi ÿaÿate'n naua l'aqtaqa na griegopi. Qalaxayi namayipi co'ollaxa ÿauotaique da ÿalauat somayi.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 8:35

Nachi so Felipe cot da l'aqtaxanaxac, ÿachigoxotchiguiña som n'aqtac mayi qaitaxaÿaxaatac, qataq i'axatem somayi da no'on qad'axaÿaxac mayi n'aqtaguec so Jesús.

Hechos 8:5

Qaq huo'o so 'oonolec namayipi, l'enaxat Felipe, somayi co'ollaxa taÿa yi pueblo Samaria. Huaña, nachi i'axattac so nta'a mayi qadca'alaxaqui.

Hechos 5:42

Nachi soomayi quetoto da dapaxaguenataxaata'pe qataq i'axattrac so Jesús 'enauaque naua na'axa'te, huo'o da huetra'a aso n'onaxanaxaqui, huo'otaq naua nma'te.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Hechos 11:19

Qaq co'ollaq mashi qaÿalauat so Esteban, nachi chigoqchiguiña da nataq'en qaicanaxangui na laÿipi 'amqajnataxanaxaicpi, nachi namayipi datauec. Huo'o na taigue da Fenicia, Chipre, qataq da Antioquía. Huañalo ne'enaua 'ale'u, nachi qai'axattac da no'on qad'axaÿaxac, qalaxayi qandoxotteec na judiopi, qaq na laÿipi shiÿaxauapi sa ishit da qai'aqtaxanem.

Hechos 11:22

Nachi nam 'amqajnataxanaxaicpi mayi netaña yi Jerusalén, co'ollaq l'axaÿaxac de'eda, nachi qaÿamaq so Bernabé da taÿa yi Antioquía.

Hechos 11:26

Nachi nedaña yimayi, ÿalectraigui na 'amqajnataxanaxaicpi, ivi' 'oonolec vi'i. Nachi ÿataqta qalota na shiÿaxauapi na ÿapaxagueetrac. Qaq huaña yi Antioquía, nachi chita'ague da na 'amqajnataxanaxaicpi qailonec da quetague' so Cristo.

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.

Hechos 14:26

Huaña yimayi, nachi huenotreuo da nqo'ooda yi Antioquía yim la ciudad mayi huaña co'ollaq qoÿanoto ñi Dios da ntela'alo dam l'onataxanaxa'c mayi chita'ague nagui da ima't.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Hechos 15:30

Qaq soomayi co'ollaq ime da qaÿaconeu'alo da qaÿama'q, nachi je'c, tadegue da Antioquía. Qaq co'ollaq mashi ivilyi', nachi lapona't na 'amqajnataxanaxaicpi, nachi ÿaadeuo aso nede.

Hechos 18:22

Nachi co'ollaq ivita yi Cesarea, nachi so Pablo taÿa yi Jerusalén da dequinaxana so 'amqajnataxanaxaicpi. Qaq co'ollaq ime, nachi taigue da Antioquía.

Gálatas 2:11

Qalaxayi so Pedro co'ollaq taÿa yi la ciudad Antioquía, huaña, nachi ÿataqta sevidaxato'ot, souaxat da i'ottac ÿataqta sa ÿaÿamaxañi.