Hechos 11:19 - Nuevo Testamento Toba Sur

¹⁹ Qaq co'ollaq mashi qaÿalauat so Esteban, nachi chigoqchiguiña da nataq'en qaicanaxangui na laÿipi 'amqajnataxanaxaicpi, nachi namayipi datauec. Huo'o na taigue da Fenicia, Chipre, qataq da Antioquía. Huañalo ne'enaua 'ale'u, nachi qai'axattac da no'on qad'axaÿaxac, qalaxayi qandoxotteec na judiopi, qaq na laÿipi shiÿaxauapi sa ishit da qai'aqtaxanem.

Nuevo Testamento Toba Sombrero Negro

¹⁹ Ca'li yoĝo'yi da'me leleuaĝa di'me Esteban qama'le yataqata qoyecaa'tape joga'me p'etaqadaiquipi, chiyaqayi da'me dojo' uo'oe gaa'me yapiyetegue di'me Fenicia, Chipre nataq'aen Antioquía. Nach'edi ueda'a da'me t'aqataĝatapema joga'me judiopi da'me 'naqataĝanaĝac jo'ne onaĝaic, qalaĝaja ja naq'aeta ga'me 'yeteque jogaa'me jiyaĝa'u laqaya'.

La'aqtaqa Ñim Lo'onatac 'Enauacna 2013

¹⁹ Qaq co'ollaq mashe qaỹalauat so Esteban, nache chegoqchiguiña da nataqa'en qaicanaxangui na laỹepi maye ỹa'amaqten So Jesús, nache namayepi datauec. Huo'o na taỹa ye 'alhua Fenicia, qataq añi ỹaqa'ata 'alhuole le'enaxat Chipre, qataq ye nỹecpi ye Antioquía. Huañalo ne'enaua 'aleu', nache qaỹa'axattac da no'on na'axaỹaxac, qalaxaye qandoxottec na judiopi, qaq na laỹepi shiỹaxauapi saishet da qaỹa'aqtaxanem.

Hechos 11:19 Referans Kwoze

Hechos 21:2

Qaq huaña yimayi, nachi ñatenaqteguet aso barco mayi taÿa'ague da Fenicia. Nachi senotaxau'a asomayi, nachi soqolaq.

Hechos 15:35

Nataq'en so Pablo qataq so Bernabé, soomayi n'oidaña yi Antioquía. Nachi soomayi, nataq'en huo'o na qalota laÿipi', queto'oto da lapaxaguenataxanaxa'c da i'axattrac da l'aqtac so qadataxala'.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Gálatas 2:11

Qalaxayi so Pedro co'ollaq taÿa yi la ciudad Antioquía, huaña, nachi ÿataqta sevidaxato'ot, souaxat da i'ottac ÿataqta sa ÿaÿamaxañi.

Hechos 21:16

Nachi huo'oi soua qadÿata'pe nam 'amqajnataxanaxaicpi mayi lma' yi Cesarea, nataq'en nachi ÿalectaiguilo soomayi so chigaqa'ague da Chipre, somayi l'enaxat Mnasón. Qaq somayi mashi sa lcoshi'igue da 'amqajnataxanaxaic. Qaq nachiso so 'eetega da qadanataqa' ca lma' da sovidaq.

Hechos 18:22

Nachi co'ollaq ivita yi Cesarea, nachi so Pablo taÿa yi Jerusalén da dequinaxana so 'amqajnataxanaxaicpi. Qaq co'ollaq ime, nachi taigue da Antioquía.

Hechos 15:39

Nachi nqalligottrapigui somayi, chochi ivitta'a da nÿottecachi soomayi da lliquiaxa'c. Nachi so Bernabé ÿauec so Marcos, nachi huenoteuo da taigue da Chipre.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 13:4

Qaq co'ollaq ime de'eda, nachi so Espíritu Santo ÿama'q so Bernabé qataq so Saulo, nachi soomayi tadegue da Seleucia. Qaq huaña yimayi, nachi huenotreuo da nqo'ootra yi ÿaqa'ata 'alhuolec, l'enaxat Chipre.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Mateo 10:6

Chaqdata qome da qanqo'oñiÿa nam llalaqpi, so Israel mayi 'eeta'am aca qagueta mayi isomtac.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 11:22

Nachi nam 'amqajnataxanaxaicpi mayi netaña yi Jerusalén, co'ollaq l'axaÿaxac de'eda, nachi qaÿamaq so Bernabé da taÿa yi Antioquía.

Hechos 14:26

Huaña yimayi, nachi huenotreuo da nqo'ooda yi Antioquía yim la ciudad mayi huaña co'ollaq qoÿanoto ñi Dios da ntela'alo dam l'onataxanaxa'c mayi chita'ague nagui da ima't.

Hechos 15:30

Qaq soomayi co'ollaq ime da qaÿaconeu'alo da qaÿama'q, nachi je'c, tadegue da Antioquía. Qaq co'ollaq mashi ivilyi', nachi lapona't na 'amqajnataxanaxaicpi, nachi ÿaadeuo aso nede.