Hechos 11:18 - Nuevo Testamento Toba Sur

¹⁸ Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Nuevo Testamento Toba Sombrero Negro

¹⁸ Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't: —¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

La'aqtaqa Ñim Lo'onatac 'Enauacna 2013

¹⁸ Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Hechos 11:18 Referans Kwoze

2 Corintios 7:10

Cha'ayi de'eda naquicoxo mayi ÿaÿamaxadeeta ñi Dios, damayi i'ot da qoÿaxaadeec naua 'onataxaco qataq naigui da nca'alaxa. Qaq ÿoqo'oyi sa ishit da qanayictega. Qaq dam laquicoxo nam sa da'amqajnataxanpi, damayi naigui da nleuaxa.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Gálatas 1:24

Nachi ÿi'oxodeetac ñi Dios, souaxat aÿim.

Romanos 9:30

Qaq ÿoqo'oyi ¿chaq huá'ague ca 'eetec ca qad'aqtac? Yi nam sa ishit da judiopi qataq sa ishit da nmittaique da ÿaÿamaxadeeta ñi Dios, qalaq nachina nam ÿaÿamaxadeeta ñi Dios, chigoqchigui da lpi'iÿaxac.

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 11:1

Soua Jesús lamaxa'shi qataq so nqaÿañicpi mayi netaña yi Judea, somayipi co'ollaxa l'axaÿaxac da nataq'en ÿaconguet da l'aqtac ñi Dios na sa ishit da judiopi.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.