Hechos 11:16 - Nuevo Testamento Toba Sur

¹⁶ Huaña, nachi aÿim seuennate co'ollaxa da l'aqtac so qadataxala' mayi 'eeta': “'Eesa so Juan da dachilaxanataxana na 'etaxat, qalaxayi da qoñiita qome qami' qanachilaxanguilo ca Espíritu Santo.”

Nuevo Testamento Toba Sombrero Negro

¹⁶ “Chane'eja ñetouena da'me jo'ne 'laqatac ca'li ñe'me Jaliaĝanec: «Eja da'me Juan dachilaĝanataĝañgui ga'me noĝop, qalaĝaja ami qamqa'me ami qonachilaĝaneque joñe'me Dios Lepaqal 'me ja 'nalegue.»

La'aqtaqa Ñim Lo'onatac 'Enauacna 2013

¹⁶ Huaña, nache aỹem seuennate co'ollaxa da la'aqtac So Qarataxala' maye 'eeta': «'Eesa so Juan da dachelaxanataxana na 'etaxat, qalaxaye da qoñiita qome qami' qanachelaxanguilo So Saqcha'a Na'añaxac Qui'itta.»

Hechos 11:16 Referans Kwoze

Hechos 1:5

Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

Marcos 1:8

Aÿim qami' ñachilaxanguilo na 'etaxat, qaq camayi, qalaxayi qami' nachilaxanguilo ca Espíritu Santo.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Lucas 3:16

Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Juan 16:4

Qaq nagui qami' sa'axatema de'eda, yaqto' qom ivita ca laloqo', nachi qami' ishit da qauennachi da mashi sogote da qami' sa'axattapeguema damayi. Sa ishit da qami' sa'axatema de'eda co'ollaq chita'ague da so'onataxan, cha'ayi aÿim ñaq qami' soota'agueta.

Juan 1:33

Qaq aÿim ñaq saxanaxa da sauatton chaq negue'tca que'eca shiÿaxaua. Qalaxayi ñi aÿim namaq da yaqto' sachilaxanataxana na 'etaxat, ñimayi aÿim 'enapega co'ollaxa, 'eeta': “Qom 'am 'auauaachigui so Espíritu Santo da huo'otaq anac, nachi talec ca shiÿaxaua, qaq que'eca shiÿaxaua nachica qome ca dachilaxanataxana so Espíritu Santo.”

Juan 1:26

Nachi so Juan 'enapeco': –Aÿim sachilaxanataxana na 'etaxat. Qalaxayi da qoñiita huo'o dam qami' huetanguilo mayi sa ishit da qauauattoñi,

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.

Lucas 24:8

Nachi soomayi tachiguilo lauel da l'aqtac co'ollaxa so Jesús.

Mateo 3:6

Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.