Hechos 11:14 - Nuevo Testamento Toba Sur

¹⁴ Qaq ñimayi qome 'am i'axatem da 'eetec, da yaqto' 'am 'anca'aleec qataq 'enauac nam 'ai'alaqpi.”

Nuevo Testamento Toba Sombrero Negro

¹⁴ ñe'me am 'yaĝatem qomle da'me eeta da'me qaedi adec'alegue, am nataq'aen ena'uaque ga'me mach'e ac'oqo'tepi.»

La'aqtaqa Ñim Lo'onatac 'Enauacna 2013

¹⁴ Qaq ñimaye qome 'am da'aqtaxanem da 'eetec, da yaqto' 'am 'anca'alec qataq 'enauac nam hueta'a na 'arma'.»

Hechos 11:14 Referans Kwoze

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Hechos 10:6

Ñimayi netaña yi lma' ñi l'enaqteua Simón, l'oc l'o, yi lma' neto'ot so loigue aso auaxai. Qaq ñimayi qome 'am i'axatem ca llic cam 'au'ot.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Hechos 2:39

Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 12:50

Qaq aÿim saÿaten da lamaxasoxonaxac ñi ita'a, damayi chigaqaigui da nca'alaxa mayi chochaq tateec. Qaq 'eda da 'eetec da cam ñanodeec, qalaq nachica ca aÿim ÿamaxalec ñi ita'a.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Juan 4:53

Nachi so lta'a ÿaÿaten da nachiso so huetoigui co'ollaq so Jesús 'enapega somayi 'eeta': “Ca 'ai'alec, camayi nca'aleec.” Nachi somayi qataq so llalaqpi i'amaqten so Jesús.

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

1 Corintios 1:16

'Eesa nataq'en da ÿachilaxanatac na lauo' l'ecpi ca Estéfanas, qaq sa ishit da ñitounec da huo'otaq huo'o ca lÿa ÿachilaxanatac.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Hechos 11:13

Nachi somayi qomi' da'aqtaxaatapeguema da 'eetec co'ollaq huaña so lma' da nauane' so namaxashic piguem l'ec, nachattau'a, nachi 'enapego', 'eeta': “'Auauo'oi qome caua 'auamaxadegue da la ciudad Jope, da yaqto' ÿi'igueeda'a ñi l'enaxat Simón, da lÿa l'enaxat Pedro.