Hechos 11:13 - Nuevo Testamento Toba Sur

¹³ Nachi somayi qomi' da'aqtaxaatapeguema da 'eetec co'ollaq huaña so lma' da nauane' so namaxashic piguem l'ec, nachattau'a, nachi 'enapego', 'eeta': “'Auauo'oi qome caua 'auamaxadegue da la ciudad Jope, da yaqto' ÿi'igueeda'a ñi l'enaxat Simón, da lÿa l'enaxat Pedro.

Nuevo Testamento Toba Sombrero Negro

¹³ jo'ne qo'mi 'yaĝatema da'me eeta ca'li 'uo ga'me yauana jo'ne piyem le'ec 'me ue'ta di'me 'lachaqa', da'me nechatelegue qama'le yanem da'me 'laqatac ca'li: «Auamaĝalo qomle gaa'me adamaĝa's di'me noic jo'ne Jope qaedi e'n naequena ga'me Simón jo'ne nach'e ena'am qoyateton da'me Pedro;

La'aqtaqa Ñim Lo'onatac 'Enauacna 2013

¹³ Nache somaye qomi' da'aqtaxaatrapeguema da 'eetec co'ollaq huaña so lma' da nauane' so namaxashec piguem le'ec, nache 'enapego', 'eeta': «'Auauo'oi qome caua 'auamaxaregue da Jope, da yaqto' ỹe'egueera'a ñi le'enaxat Simón, da lỹa le'enaxat Pedro.

Hechos 11:13 Referans Kwoze

Hechos 12:11

Huaña, nachi so Pedro chita'ague da ÿoqta i'amaqten de'eda. Nachi 'enapeco': –Nagui saÿaten da qachi ÿoqta 'eesa de'eda, da ñi qadataxala' namaq so lamaxashic da aÿim nca'alaxateeguesop ñi Herodes qataq 'enauac dam nshitaique da aÿim i'otec nam judiopi.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Hechos 9:43

Nachi so Pedro ÿataqta huo'oi soua na'axa'te da hueta'a yi la ciudad, netaña ca lma' so l'enaxat Simón, l'oc l'o.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 9:42

Qaq de'eda 'enauac nam netaña yi la ciudad Jope ÿaÿaten, nachi ÿataqta qalota na i'amaqten so qadataxala'.

Hechos 11:12

Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

Hechos 11:14

Qaq ñimayi qome 'am i'axatem da 'eetec, da yaqto' 'am 'anca'aleec qataq 'enauac nam 'ai'alaqpi.”