Hechos 10:43 - Nuevo Testamento Toba Sur

⁴³ Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Nuevo Testamento Toba Sombrero Negro

⁴³ Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

La'aqtaqa Ñim Lo'onatac 'Enauacna 2013

⁴³ Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Hechos 10:43 Referans Kwoze

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Romanos 10:11

Cha'ayi naua ñiyigui'shi l'aqtaqa ñi Dios 'eeta': “Qaica ca 'oonolec nam i'amaqteetac ñimayi da huo'otaq ishit da n'aloxootac.”

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Hechos 26:22

Qalaxayi souaxat da ltaunaxanaxac ñi Dios da shiita, ÿoqo'oyi nagui ñaq shicta da sa'axattapeguem ñimayi 'enauac na shiÿaxauapi, sa'aqtaxanem na saxanaxa da ÿi qataq nam ÿipi. Qaq sa ishit da huo'otaq ÿaqa'a ca i'aqtaxanaxac da sa'aqtaxan. Chaqdata da sa'axattac da l'aqtaxanaxac som hua'au l'aqtaxanaxanecpi ñi Dios qataq so Moisés da qai'axatta'aguet ca naÿa'cna.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Hechos 15:9

Ñi Dios sa ishit da qomi' lca'ataguilo, da yaqto' iÿotauga namayipi. Cha'ayi ñimayi iÿoi' nataq'en naua lquiyaqte namayipi, chigoqchigui naq'en da lpi'iÿaxac.

Hechos 3:16

Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Gálatas 3:22

Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Colosenses 1:14

ÿachigoxotchigui da l-leuaxa somayi da qomi' nca'alaxatreec, qataq da ÿapalaxat 'enauac na qadasouaxashitpi.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Romanos 6:23

Cha'ayi dam ñi'itaxaloxo da deshiitenaxan, qalaq deshiitenaxana da nleuaxa. Qaq dam lqouagaxanaqtaic ñi Dios, qalaxayi da mashi souaqto'ot so Cristo Jesús som qadataxala', nachi deshiitenaxana da achaalataxac mayi qaica ca loga't.

Hechos 3:18

Qalaxayi de'eda naigui da ÿataqta ipacchiguilo naua 'ena'pe ñi Dios co'ollaq i'aqtaxanaxan so l'aqtaxanaxanecpi da 'eeta': “Que'eca samaq nta'a nca'alaxaqui, camayi ÿataqta huo'o qome da nque'ejnaxac.”

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Romanos 3:21

Qaq ÿoqo'oyi nagui ñi Dios ishit da qomi' ÿaÿajnaxanaxanque da 'eetec da lataxac da ishit da qomi' ÿaÿamaxadeete' ñimayi, qaq sa ishit da chigoqchigui naq'en na nqataxacpi. Qaq damayi ishit da selaqa'a da qomi' setaxaÿaxanaqtac nam qoÿittañi nqataxacpi qataq naua l'aqtaqa som n'aqtaxanaxanecpi.