Hechos 10:4 - Nuevo Testamento Toba Sur

⁴ Nachi somayi ÿamato'ot se'eso namaxashic piguem l'ec, qalaxayi ÿataqta ñi'i. Nachi inattac, 'eeta': –¿Négue't ca, 'am ÿataxala'? Nachi som namaxashic piguem l'ec 'enapego' somayi, 'eeta': –Ñi Dios ÿataqta ÿaÿamaxadeeta da 'anqouagaxaunaxac qataq dam 'adtaunaxanaxac da 'autauaatac nam huo'o da lhuenaxanaxa.

Nuevo Testamento Toba Sombrero Negro

⁴ Cornelio yelo'ta ñe'me piyem le'ec nataq'aen t'oiyapega, qama'le yena't: —¿Jach'ega, jaliaĝanec? Joñe'me piyem le'ec enaac: —Dios naquiaĝatapegalo daa'me anetamenaĝaco joote ueteda'ajop ñe'me Dios, nataq'aen yauanalo gaa'me jo'ne auauo'oe da'me qaedi alecochiyalo gaa'me jo'ne 'uo da'me louenaĝanaĝa'j.

La'aqtaqa Ñim Lo'onatac 'Enauacna 2013

⁴ Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

Hechos 10:4 Referans Kwoze

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

Apocalipsis 8:4

Nachi na lmala'q se'eso nchinaxanaxat chigoqtelec na lhuaq so namaxashic da taÿot ñi Dios, qaq lÿatchiguem da nqouagaxaunaxac nam lalamaxatpi ñi Dios.

Filipenses 4:18

Cha'ayi aÿim mashi sogote da saconguet da ñitaunaguec, qaq damayi ÿataqta ÿapacauec. Cha'ayi aso aÿim qanamaqaÿa mayi aÿim nda'a so Epafrodito, asomayi ÿataqta nalaigui 'enauac na iueneguesat. Qaq asa'aso qadtaunaxanaqchi, asomayi 'eeta'am ca nchinaxanaxat ama na laita mayi qaÿavigaxat da qoÿanot ñi Dios, qaq ÿataqta ÿaÿamaxadeeta ñimayi.

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Lucas 1:29

Qalaxayi asomayi co'ollaq ila'a so Dios lamaxashic, nachi ÿataqta i'elaxam de'eda l'aqtac, nachi asomayi nchimaxatteguela't, 'eeta': “¿Chaq 'éetec ca naigui de'eda nquinaxanaxac?”

Mateo 26:13

Qaq ÿataqta 'eesa de'eda qami' sa'axatema da cam pa'aigue naua laÿil ana 'alhua da qai'axattac de'eda n'aqtac mayi chigaqaigui da nca'alaxa, nachi nataq'en qai'axattac qome de'eda i'ot ada'ada 'alo, yaqto' nachi 'eetai' qome da qaiuennatapega adamayi.

Hechos 22:10

Nachi aÿim shinapec: “'Am ÿataxala', ¿négue't ca 'anshitaique da so'ot?” Nachi so qadataxala' aÿim 'enapega, 'eeta': “Qoñishiguem, nachi qocot da 'iquiaxac da 'aigue da Damasco. Qaq qom huaña yimayi, nachi 'am qai'aqtaxanem 'enauac cam 'ad'onataxanaxac.”

Lucas 24:5

Qaq soomayi yi i'alyiñi naua l-llicte, nachi ÿataqta ividaxata'agueta naq'en na 'alhua naua lata'pi souaxat da lcolanqa'. Nachi se'esoua shiÿaxa'u 'ena'po': –¿Tá'ainco' yi qanmichiitapigui na leuaxaicpi da qanmichiitaique som nca'altauec?

Hechos 3:4

Nachi so Pedro qataq so Juan ilotro'ot somayi. Nachi so Pedro 'enapego' somayi, 'eeta': –Ña qomi' 'auamato'oto.

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.