Hechos 10:39 - Nuevo Testamento Toba Sur

³⁹ Qaq qomi' mayi nachiqomi' sauanaqchigui 'enauac nam i'otpi so Jesús co'ollaq somayi coleetapeguelec yi 'alhua Judea qataq yim la ciudad Jerusalén. Qaq co'ollaq ime, nachi somayi qaÿalauat, nachi qaiuaxanguet so npe'enaxaqui.

Nuevo Testamento Toba Sombrero Negro

³⁹ “Qama'le qo'mi mach'e choqotaĝanaĝayaqa ena'uaque jodaa'me yauo'oe ca'li ñe'me Jesús ca'li ue'ta di'me Judea nataq'aen Jerusalén. Yem qama'le qoyalat ca'li, qoyanetaye jaga'me sodoso.

La'aqtaqa Ñim Lo'onatac 'Enauacna 2013

³⁹ Qaq qomi', maye nacheqomi' sauanaqchigui 'enauac nam ỹo'otpi So Jesús co'ollaq Somaye coleetapeguelec ye 'alhua Judea, qataq ye nỹecpi ye Jerusalén. Nataqa'en sauanaqchigui co'ollaq qaỹalauat qaiuaxaneguet so npe'enaxaqui.

Hechos 10:39 Referans Kwoze

Lucas 24:48

Qaq nachi qami' qome mayi qau'axachiiuec 'enauac de'eda qadauanaqchiqui.

Hechos 10:41

Qaq somayi sa ishit da imauec da nachaxana 'enauac na shiÿaxauapi, nachiqomaqta da ñauanaxai'. Cha'ayi ñi Dios qomi' lca'agui'shi co'ollaxa, da yaqto' qomi' sa'axataq da qadauanaqchic. Qaq qomi' ÿataqta qadqui'axaua somayi qataq qanÿomaxaua co'ollaq mashi qaltaq nca'aleec qanqoÿin.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Hechos 13:31

Nachi somayi ÿataqta huo'oi soua na'axa'te da nachaxaategalo soua ÿataqta nnaigaxa'u co'ollaq chigoqchiguiña yi Galilea, chochi ivitta'a yi Jerusalén. Qaq nagui nachisoua soomayi som da'aqtaxaatapeguema na shiÿaxauapi de'eda.

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Hechos 1:22

chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.

Juan 15:27

Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Lucas 1:2

Qaq namayipi ÿiyiñi dam mashi qomi' i'axatema nam ÿauaachigui so chigoqchiguiña ne'ena qai'otpi, qata nataq'en i'axattac de'eda n'aqtac.