Hechos 10:36 - Nuevo Testamento Toba Sur

³⁶ Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Nuevo Testamento Toba Sombrero Negro

³⁶ Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

La'aqtaqa Ñim Lo'onatac 'Enauacna 2013

³⁶ Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Hechos 10:36 Referans Kwoze

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

1 Corintios 15:27

Cha'ayi ñi Dios mashi ipataxalec da ilo'ogue 'enauacna so Cristo. Qalaxayi naua ñiyigui'shi l'aqtaqa ñi Dios qom 'enapec da qaipataxalec 'enauacna somayi, qaq sa ishit da ñi Dios ÿalectoigui 'enauacna, cha'ayi ñimayi nachiñi ñi chigoqchigui da ipataxalec somayi 'enauacna.

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 13:32

Qaq ÿoqo'oyi qomi' qami' sa'axataqtapeguema nagui de'eda no'on qad'axaÿaxac mayi ÿachaxanapeguem co'ollaxa som hua'au qadta'alpi ñi Dios.

Hechos 11:19

Qaq co'ollaq mashi qaÿalauat so Esteban, nachi chigoqchiguiña da nataq'en qaicanaxangui na laÿipi 'amqajnataxanaxaicpi, nachi namayipi datauec. Huo'o na taigue da Fenicia, Chipre, qataq da Antioquía. Huañalo ne'enaua 'ale'u, nachi qai'axattac da no'on qad'axaÿaxac, qalaxayi qandoxotteec na judiopi, qaq na laÿipi shiÿaxauapi sa ishit da qai'aqtaxanem.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 10:6

Chaqdata qome da qanqo'oñiÿa nam llalaqpi, so Israel mayi 'eeta'am aca qagueta mayi isomtac.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Colosenses 1:20

Qataq nshitaique nataq'en da ÿachigoxotchigui so Cristo da nmane' ñimayi 'enauac nam huetalec ana 'alhua qataq nam hueto'ot na piguem. Qaq i'ot de'eda nlagaxayic, ÿachigoxotchigui naq'en da l-leuaxa so Cristo co'ollaq qaiuaxanguet so npe'enaxaqui.

Lucas 1:79

da yaqto' icoÿadelec nam huetaigui na napalaxa qataq da lchic da nleuaxa, qataq yaqto' qomi' ÿachaxaateguelo ca nqa'aic mayi nlagaxayic.

Hechos 10:37

Qaq qami' qauaÿajñiita 'enauac dam huaña nam 'alhua mayi lma' na judiopi, chigoqchiguiña co'ollaxa yi Galilea, co'ollaq so Juan mashi imat da l'aqtaxanaxac qataq da nachilaxaatac na shiÿaxauapi.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.