Hechos 10:33 - Nuevo Testamento Toba Sur

³³ Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Nuevo Testamento Toba Sombrero Negro

³³ Chane'eja ja jayaloĝoden da'me am jelataĝanegue, nataq'aen yataqachiñe 'uo da'me adichoĝodenataĝanaĝac da'me auanaequena. Chane'eja qo'mi uetauelo ñe'me Dios da'me jouaqa'ta jena'me jenjo', nataq'aen jetaque ñaquiaĝanaĝa yema ga'me jo'ne am 'yelopec ñe'me Jaliaĝanec qaedi qo'mi a'uaĝatema.

La'aqtaqa Ñim Lo'onatac 'Enauacna 2013

³³ Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

Hechos 10:33 Referans Kwoze

Santiago 1:19

Ÿoqo'oyi qami' ÿaqaÿa't, qami' ñauochaxa'u, ñi 'oonolec da qoñiita no'on da ÿataqta lhuotta da n'axaÿaxan, qalaxayi iuen da npottelec da ltaxaÿaxac, qataq saqaÿoqchiguinguit da lalemataic.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

Santiago 1:21

Qaq ÿoqo'oyi qau'aqaÿa'a 'enauac na ishit da ishipaxanaqchit ca shiÿaxaua qataq 'enauac na sa ÿaÿamaxañisat. Chaqdata da qami' huosotte' da qauacoñiiguet da l'aqtac ñi Dios mayi mashi qoÿaalguete naua qadquiyaqchilli', cha'ayi de'eda n'aqtac ishit da qami' nca'alaxatreec.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Mateo 18:4

Qaq ÿoqo'oyi cam ÿoqta ÿacteec da l'amaqchic da huetaigui da l'onataxanaxac ñi Dios mayi neta'ague da piguem, nachica cam sa ishit da n'amaqchin qataq ÿi'iguelaxa da 'eeta'am ne'ena nogotolec.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

Mateo 19:30

Qalaxayi ÿataqta qalota qome nam nagui l'auaxanecpi nam pa'ateec qome qanqoÿin, qataq ÿataqta qalota qome nam nagui pa'ateec nam l'auaxanecpi qome qanqoÿin.

Hechos 10:32

Qaq nagui 'auauo'o qome ca 'auamaxa yi la ciudad Jope, da yaqto' ÿi'iguena'a ñi Simón, da lÿa l'enaxat Pedro. Ñimayi hueta'a yi lma' ñi l'enaqteua Simón, l'oc l'o. Ñimayi neto'ot so loigue aso auaxai yi lma'. Qaq ñimayi qom noviyi', nachi 'am da'aqtaxanem.”

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.