Hechos 10:28 - Nuevo Testamento Toba Sur

²⁸ Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Nuevo Testamento Toba Sombrero Negro

²⁸ Pedro enaac: —Da'me ami auayachiñe ga'me judiopi lepe'e' queda'me ja qoyaje'tem ga'me ja 'lachaqaena ta'le dojapegue' uotaĝa taue ga'me 'lachaqa'. Qalaĝaja Dios jayem yapaĝaguenec queda'me ja jetaque jen 'te aĝanataĝanaĝaic uotaĝa jen paĝachigui gamachaqaega.

La'aqtaqa Ñim Lo'onatac 'Enauacna 2013

²⁸ Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Hechos 10:28 Referans Kwoze

Juan 4:9

Nachi aso 'alo mayi lma' yi Samaria 'enapeco': –¿Tá'ainec 'am, yi 'am judío l'ec, qalaqca da ishito' da aÿim 'auÿaxanot ca 'adaquip, yi aÿim Samaria lashi? (Cha'ayi nam judío l'ec yi sa ishitaxat da detaxaÿapegue' nam l'ec yi Samaria.)

Hechos 11:9

Nachi se'eso n'aqtac mayi chimqot na piguem qaltaq ÿi'iguelaxalec da aÿim 'enapega, 'eeta': “Cam mashi qui'itta naq'en ñi Dios, sa ishit qome da 'auamata'ac da nshipaxan.”

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Juan 4:27

Qalchaq mashi nvilyi' soua lapaxaguenataqa, nachi soomayi ÿataqta huo'o da l'aalqa' da 'alo aso detaqtague' so Jesús. Qalaxayi sa ishit da huo'otaq huo'o ca inat somayi da chaq negue't ca 'eetapeguec asomayi, huo'otaq cam n'aqtaxaatrapigui soomayi.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Marcos 7:2

Se'eso ÿallippi ÿauaachigui co'ollaxa da huo'oi soua lapaxaguenataqa so Jesús da nshipaxa'n naua lhua'q co'ollaq deque'e'. Qaq damayi naigui da sa ishit da qaipaguelec da 'onataxac da qaiÿoi' naua nhua'q, qaq ÿoqo'oyi qanayictapeguelguete soomayi.

Hechos 10:29

Qaq ÿoqo'oyi ÿataqta qaica ca shiga da ñanac co'ollaq aÿim qauÿaxañiÿa. Qaq ÿoqo'oyi nagui aÿim ñishitaique da saÿaten da chaq 'eetec ca huo'o mshi aÿim qauÿaxañiÿa.