Hechos 10:23 - Nuevo Testamento Toba Sur

²³ Nachi so Pedro ipa'axaadeuo, nachi soomayi l'ochaqa't ca hueta'a somayi se'eso pe. Qaq so lÿa na'a'q nachi so Pedro ca'ateguelo soomayi, nataq'en huo'oi soua lÿata'pe nam 'amqajnataxanaxaicpi mayi netaña yi Jope.

Nuevo Testamento Toba Sombrero Negro

²³ Chane'eja Pedro yenoĝonaqatedeuo jogaa'me qama'le nach'e uede'edi ca'li jo'me pi'yaq. Ca'li 'yoĝoñi, Pedro equeguelo jogaa'me, nataq'aen uo'oe gaa'me quetegue lepi'iyaĝa'u jo'ne 'lachaqa't di'me Jope.

La'aqtaqa Ñim Lo'onatac 'Enauacna 2013

²³ Nache so Pedro ipa'axaareuo soomaye, nache lo'ochaqa't ca hueta'a somaye se'eso pe. Qaq so lỹa na'a'q, nache so Pedro ca'ateguelo soomaye, nataqa'en huo'oi soua lỹata'ape nam ỹa'amaqten So Jesús maye netaña ye Jope.

Hechos 10:23 Referans Kwoze

Hechos 11:12

Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

Hechos 10:45

Nachi som 'amqajnataxanaxaiqa judío lashi' mayi nnaictagueto so Pedro, soomayi ÿataqta huo'o da l'aalaqa' da so Espíritu Santo nataq'en ishit da qoÿanem nam sa ishit da judío l'ecpi.

1 Pedro 4:9

Qataq ñi 'oonolec da qoñiita ÿataqta ilo'oguet ca lÿa da namaxasoxoic, qataq sa ishit da quetapeguelec.

Hebreos 13:2

Qataq sa ishit qome da qaucouai'ai da ÿataqta qauloÿiiguet ca qanamaxasoxoiqui. Cha'ayi damayi nachida da chigoqchigui da huo'o co'ollaxa som saq noma da ÿauo'o ca l'ochaqa' nam namaxashic piguem l'ecpi.

2 Corintios 8:21

Cha'ayi qomi' ñipogoxoinaqtapegue' da so'otaq ca ÿaÿamaqchiguiñi, qaq sa ishit da sauoqtaique da nachaqñita ñi qadataxala' da qomi' ÿauaachiguilo, nataq'en 'enauac na shiÿaxauapi.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Hechos 10:29

Qaq ÿoqo'oyi ÿataqta qaica ca shiga da ñanac co'ollaq aÿim qauÿaxañiÿa. Qaq ÿoqo'oyi nagui aÿim ñishitaique da saÿaten da chaq 'eetec ca huo'o mshi aÿim qauÿaxañiÿa.

Hechos 9:42

Qaq de'eda 'enauac nam netaña yi la ciudad Jope ÿaÿaten, nachi ÿataqta qalota na i'amaqten so qadataxala'.

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Hechos 28:15

Qaq som qadqaÿañicpi mayi netaña yi Roma mashi huo'o da l'axaÿaxac da shinaqta; nachi somayipi qomi' huaqata'agueta. Huo'o na nqatauga yi nmenqa' so Apio, qataq yim l'enaxat tres mataqa'te. Qaq can ilaigui somayipi so Pablo, nachi ÿanot da n'achic ñi Dios, nachi ÿataqta nomteguet da l'añaxac.