Hechos 10:22 - Nuevo Testamento Toba Sur

²² Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Nuevo Testamento Toba Sombrero Negro

²² Jogaa'me 'yadeteguet: —Jachiyajaqa'a ñe'me coico le'ec lajoĝola' Cornelio, jiyaĝaua jo'ne chimaqachiñe, jo'ne 'nonaĝachigui ñe'me Dios nataq'aen nach'eñe jo'ne ena'uaque ga'me judiopi 'yamaqate'n nataq'aen noqopideta. 'Uo jo'me piyem le'ec jo'ne chiyoĝogue ñe'me Dios t'aqataĝanem qaedi am niyaĝana, qaedi auec'ata di'me 'lachaqa' qaedi naquiaĝana ga'me jo'ne a'uaĝatem.

La'aqtaqa Ñim Lo'onatac 'Enauacna 2013

²² Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Hechos 10:22 Referans Kwoze

Hechos 11:14

Qaq ñimayi qome 'am i'axatem da 'eetec, da yaqto' 'am 'anca'aleec qataq 'enauac nam 'ai'alaqpi.”

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

3 Juan 1:12

'Enauac na shiÿaxauapi ÿataqta no'on da l'aqtaxanaxac da i'axattac ca Demetrio. Nataq'en da n'aqtac mayi ÿataqta 'eesa, damayi i'axat da no'on lataxac camayi. Qaq qomi' nataq'en sa'axataqtac, qataq qami' qauaÿajñiita da de'eda qad'aqtac ÿataqta 'eesa.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

Hebreos 12:23

lapoota'a't da ÿi'oxodeetac ñi Dios, qataq cam lapoota'a't llalaqpi ñi Dios mayi qoÿittau'a aca nanedaxalate nam hueta'ague da piguem. Qataq qauataito'ot qome ñi Dios mayi nachiñi ñi nmit 'enauac na shiÿaxauapi, qataq cam hueta'a na lqui'ipi na shiÿaxauapi mayi no'on da lataxac mayi ÿataqta naloqchiichiguiñi ñi Dios,

Hebreos 11:2

Som hua'au qadta'alpi co'ollaxa ÿataqta ÿaÿamaxadeeta ñi Dios, souaxat da huo'o da lpi'iÿaxac.

Hebreos 10:38

Qalaxayi cam aÿim saÿamaxadeeta da nachica ca no'on da lataxac, camayi da lca'alaxa chigoqchigui da lpi'iÿaxac. Qalaxayi camayi da huo'otaq ÿi'iguelaq, qaq sa ishit da saÿamaxadeeta camayi.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

2 Corintios 5:18

Qaq 'enauac de'eda chigoqchigui ñi Dios ñim chigoqchigui naq'en so Cristo da qaltaq ñimanaxai' naq'en ñimayi. Ime, qaq qomi' ÿanema da qad'onataxanaxac, da yaqto' nmane' ñaqashinaq 'enauac na shiÿaxauapi ñimayi.

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

Hechos 24:15

Qataq nachi shin'am namayipi dam qanaquitaxac ñi Dios da na leuaxaicpi ishit da qaltaq nca'aleec naq'en, cam no'on da lataxac qataq cam qauem da lataxac.

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Hechos 10:6

Ñimayi netaña yi lma' ñi l'enaqteua Simón, l'oc l'o, yi lma' neto'ot so loigue aso auaxai. Qaq ñimayi qome 'am i'axatem ca llic cam 'au'ot.

Hechos 6:3

Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

Juan 17:20

Qalaxayi sa ishit da nachaqnata namayipi da ñachoxodeetapeguelec, nataq'en cam aÿim i'amaqtenpi qome, qom hua'axaÿa ca l'aqtaxanaxac namayipi.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Lucas 23:50

Qaq huo'o so shiÿaxaua ÿataqta no'on da lataxac qataq sa ishit da i'ot ca sa ÿaÿamaxañi, l'enaxat da José, lma' yi pueblo Arimatea huaigui yi 'alhua Judea. Somayi nachi ÿalectaigui na nta'alpi mayi loicnatac na lataxacpi na judiopi.

Lucas 2:25

Qaq se'eso vi'i netaña yi Jerusalén so shiÿaxaua l'enaxat Simeón. Qaq somayi ÿataqta soxodaic qataq ÿi'oxodeetac ñi Dios, nataq'en iuattaique ca na'a'q da imeuo qanqoÿin da nque'ejnaxac na Israel llalaqpi. Qaq somayi hueta'aguet so Espíritu Santo,

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Mateo 1:19

Qaq so José mayi lhua, somayi ÿataqta no'on da lataxac. Nachi somayi sa ishit da huo'otaq i'axateec da huaigui aso María. Chaqdata da huotaique da sa ishit da ÿaÿajna'a't naq'en na shiÿaxauapi da ÿalat asomayi.

Mateo 2:12

Qaq co'ollaq ime', nachi huo'o da nqataxa'c huaigui so l'ochaqa' da sa ishit da ÿi'iguelaqtreuga yi netaña so nta'a Herodes. Nachi tatreuga ca lÿa nqa'aic co'ollaq ÿi'iguelaxadegue ca lma't.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

Hechos 10:21

Nachi so Pedro huenojña ca huetra'a soua lamaxa'shi so Cornelio, nachi 'enapegalo, 'eeta': –Nachaÿim mayi aÿim qanmichiitaique. ¿Négue't ca huo'o mshi qauanaqui?

Hechos 10:30

Nachi so Cornelio 'enapeco': –Nagui mashi ivi' naua cuatro na'axa'te da 'eeta'am peta'a nagui yi ñichiguiña aso nala' co'ollaq aÿim soota'a na ima', ñoqouaqchittac qataq ñoqouagaxaueetac. Nachi aÿim nachaxana so shiÿaxaua soua alogo ÿataqta qashilectrapiguiñi.

Apocalipsis 14:10

nachi camayi nÿomgui qome dam qaica ca 'en'am da lchiquiaxac lhuaxanaxanaxac ñi Dios, qom ivita da icodeec dam ÿaqataxaatapigui' layiloxo mayi 'eeta'am ca ndoteec lataxa. Nachi camayi ÿataqta nque'etaxangui qome da lqui'ic ca nodec qataq nam quiquiaxadaic mayi ÿavictaigui. Qaq ÿauaachigui qome nam lamaxashicpi ñi Dios qataq so qagueta llalec.