Hechos 10:15 - Nuevo Testamento Toba Sur

¹⁵ Qalaxayi se'eso n'aqtac qataq ÿi'iguelaxalec da 'enapec, 'eeta': –Cam mashi qui'itta naq'en ñi Dios, camayi sa ishit da 'auamata'ac da nshipaxan.

Nuevo Testamento Toba Sombrero Negro

¹⁵ Ga'me nejamaĝa yitaĝa dojapegue', qama'le enaac: —Ga'me jo'ne Dios joote yiyamaĝatetac, ena'te aueetapega paĝachigui.

La'aqtaqa Ñim Lo'onatac 'Enauacna 2013

¹⁵ Qalaxaye se'eso nvilỹaxac qaltaq ỹe'eguelaxalec da, 'eeta': –Cam mashe qui'itta naqa'en Ñim Lo'onatac 'Enauacna, camaye saishet da 'auamata'ac da nshepaxan da lataxac.

Hechos 10:15 Referans Kwoze

1 Corintios 10:25

Qami' qolliqui qome 'enauac na lapat mayi chigaqaigui aca nmenaxaqui. Sa ishit da qaunataxañiitapeguelec ca chigaqa'ague, yaqto' sa ishit da sa ÿaÿamaxañi da qadhuennataqai.

Mateo 15:11

Da 'enauac na chic ca shiÿaxaua, sa ishit da nachina na ishipaxanaqchit da nachaalataxac. Chaqnata nam l'aqtacpi mayi chigaqaigui na alap mayi nachina na ishit da ishipaxanaqchit da nachaalataxac.

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

Marcos 7:19

Cha'ayi namayipi sa ishit da inoxoneu'a añi lquiyaqte. Chaqdata da tangui añi da'am. Ime, qaq inoxoneec. Qaq 'eda da 'enapec so Jesús co'ollaq i'axattac da 'enauac na nallicpi qui'itta.

Romanos 14:14

Cha'ayi aÿim saÿaten da sa ishit da huo'o ca chochi natchiguem da dauogaxanaqta. Qaq de'eda shiitega ÿataqta 'eesa, cha'ayi sa'amaqteetac so qadataxala' Jesús. Qalaxayi da huo'o ca 'oonolec da qoñiita ipi'ittega da ishit da sa qaishitapec ca nallic, qaq camayi mayi maichi pa'aÿo'ot da sa qaishitapec naq'en.

Hechos 10:28

Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Hechos 11:9

Nachi se'eso n'aqtac mayi chimqot na piguem qaltaq ÿi'iguelaxalec da aÿim 'enapega, 'eeta': “Cam mashi qui'itta naq'en ñi Dios, sa ishit qome da 'auamata'ac da nshipaxan.”

Romanos 14:20

Qaq sa ishit qome da qanlaxachiiñi da l'onataxanaxac ñi Dios da ÿasouaxat qanqashiñi cam chochi nallic. Cha'ayi 'eesa da 'enauac nam nalliguesat ÿataqta qui'itta. Qalaxayi sa ÿaÿamaxañi da cam qanallic ishit da chigoqchigui da huo'o naq'en ca lasouaxashit ca nÿa.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

Hechos 15:9

Ñi Dios sa ishit da qomi' lca'ataguilo, da yaqto' iÿotauga namayipi. Cha'ayi ñimayi iÿoi' nataq'en naua lquiyaqte namayipi, chigoqchigui naq'en da lpi'iÿaxac.

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

Apocalipsis 14:20

Qaq asa'aso uva, can qanlom na lli'i, qalaq huaña qanqoÿin som pa'aueegue da laÿi yi la ciudad. Nachi se'eso naponaxanaxaqui chigoqtoigui na ntago'q. Qaq ne'ena ntago'q ividashiguemque naua lquejnaxanqa'te na caipi. Qaq yi lcachiguiñi se'eso ntago'q ivi' trescientos kilómetros.

Hechos 10:16

Qaq se'eso n'aqtac tres da qaÿi'iguelaxalec, nachi se'eso qoÿaxatta'a't qaltaq ÿi'iguelaxague da piguem.