Hechos 1:16 - Nuevo Testamento Toba Sur

¹⁶ –Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Nuevo Testamento Toba Sombrero Negro

¹⁶ “Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

La'aqtaqa Ñim Lo'onatac 'Enauacna 2013

¹⁶ «Qami' ỹaqaỹa't, ỹataqta ipacchigui co'ollaxa da la'aqtac So Saqcha'a Na'añaxac Qui'itta maye nanettañi co'ollaq ỹa'aqtaxanaxan so David, da ỹa'axata'a da so Judas nacheso som ỹaueca'aguet co'ollaxa som ỹaconeua'a So Jesús da icoñi'.

Hechos 1:16 Referans Kwoze

Juan 13:18

Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Hechos 1:20

Cha'ayi naua n'aqtaqa mayi nanettalguete ana nede l'enaxat Salmos, nanettañi da 'eeta': Ca lma' ca mayi ÿataqta tojlec, qataq qaica ca netalec. Qataq so lÿa n'aqtac 'eeta': Da l'onataxanaxac huo'o qome ca talec qanqoÿin.

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Mateo 26:54

Qalaxayi da nachi 'eetec de'eda, qaq ¿huá'ago' da ishit da ipacchigui cam 'enapec naua ñiyigui'shi l'aqtaqa ñi Dios, mayi i'axa't co'ollaxa da nachi qoÿiitec de'eda?

Mateo 26:47

Qaq so Jesús ña detaqtac co'ollaq mashi nvi' so Judas, som 'oonolec soua doce lapaxaguenataqa. Qaq somayi ÿataqta qalota so nnaictague' shiÿaxauapi, nachitac na lainecpi qataq na nponpi. Somayipi nachi lamaxashicpi som lataxala' na ntaxaÿaxanaxanecpi da qaitaxaÿapegue' ñi Dios, qataq nam lquedoxonecpi na judiopi.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Marcos 14:43

Qaq ña detaqtac so Jesús co'ollaq nvi' so Judas mayi nachiso som 'oonolec soua doce lapaxaguenataqa. Qaq ÿataqta qalota so shiÿaxauapi nnaictague', somayipi huota'a na lainecpi qataq na nponpi qo'ipaq. Qaq somayipi nachi lamaxashic nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi qataq na nquedoxonecpi.

2 Pedro 2:21

Cha'ayi namayipi no'ónctaxa da sa ishit co'ollaxa da ÿauatton da lliquiaxac da achaalataxac mayi qui'itta. Cha'ayi l'axaso' da mashi ÿauatton damayi, ime, qataq ca'ai dam qoÿanem napaxaguenataxanaxac mayi qui'itta.

Hechos 23:6

Nachi so Pablo ila'a da huo'o na saduceopi se'eso nta'alpi mayi loicnatac na lataxaguesat, qataq huo'o na fariseopi. Nachi somayi ÿataqta n'axanneque naua l'aqtaqa, 'eeta': –Qami' ÿaqaÿañicpi, aÿim fariseo l'ec, nachi sachigaqaigui na fariseopi, qalaq nagui aÿim qanmichiitac, souaxat da huo'o da ñaquitaxac da qaltaq qanca'alaxateec na leuaxaicpi.

Hechos 23:1

Nachi so Pablo co'ollaq ÿamataigui so nta'alpi mayi loicnatac na lataxaguesat. Nachi 'enapeco': –Qami' ÿaqaÿañicpi, aÿim chochi ivitta'a nagui da qaica ca da da ivilÿaxac, qaq ñi Dios ÿaÿaten.

Hechos 22:1

–Qami' ÿaqaÿañicpi, qataq qami' ita'alpi, ña qan'axaÿaxañiÿa da itaxaÿaxac da qami' shinapegalo.

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Hechos 13:38

Qaq ÿoqo'oyi, qami' ÿaqaÿa't, iuen da qauaÿajñi da nachiso so Jesús so chigoqchigui da qaÿapalaxat na nasouaxashitpi. Qaq nachida dam qami' sa'axataqtapeguema nagui.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Hechos 7:2

Nachi somayi 'enapeco': –Qami' ÿaqaÿadolqa, qataq qami' ita'alpi, ñaq aÿim qan'axaÿaxañiÿa. Ñim qadta'a Dios mayi ÿi'oxodaic, ñimayi nachaxana co'ollaxa so qadta'a Abraham co'ollaq somayi hueta'a yi 'alhua Mesopotamia, co'ollaq somayi saxanaxa da taÿa yi Harán.

Hechos 2:37

Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita': –Qami' qadqaÿa't, qaq nagui ¿chaq huá'ague ca shinaqtec?

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Juan 19:36

Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.”

Juan 10:35

Qaq qomi' saÿajnaq da naua nanettrañi l'aqtaqa ñi Dios naamayi sa ishit da qaÿoqolgue't, qataq da ñi Dios ÿamata'ac da diospi som shiÿaxauapi mayi ÿaconguet da l'aqtac.

Lucas 22:47

Qaq ña detaqtac so Jesús co'ollaq nvi' so ÿataqta qalota shiÿaxauapi. Qaq qanatataueegue so l'enaxat Judas, som 'oonolec so doce lapaxaguenatacpi. Nachi somayi nquigueu'a so Jesús da napigoq.

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Mateo 26:14

Nachi so 'oonolec soua doce lapaxaguenataqa, l'enaxat Judas Iscariote, somayi jec da detaxaÿapegue' som lataxala' na ntaxaÿaxanaxanecpi da qaitaxaÿapegue' ñi Dios.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

2 Pedro 1:21

Cha'ayi 'enauac som hua'au l'aqtaxanaxanecpi ñimayi sa ishit da huo'o ca 'oonolec da maichi nalligoxottela't ca l'aqtaxanaxac. Chaqdata da somayipi ÿataqta nañanot da quetague' ñi Dios, nachi i'axa't naua l'aqtaqa ñimayi, cha'ayi so Espíritu Santo i'aqtaxanaxan somayipi.