Hechos 1:15 - Nuevo Testamento Toba Sur

¹⁵ Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Nuevo Testamento Toba Sombrero Negro

¹⁵ 'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

La'aqtaqa Ñim Lo'onatac 'Enauacna 2013

¹⁵ Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Hechos 1:15 Referans Kwoze

1 Corintios 15:6

Ime, qanachi qaltaq nachaxana so saqalota qadqaÿañicpi napacalec ca quinientos. Qaq saqalota nagui namayipi na ña nca'altauec, qataq huo'o na mashi qanmataxanaxaneec.

Apocalipsis 11:13

Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Juan 21:23

Nachi jec de'eda n'aqtaxanaxac som nqaÿañicpi da se'eso apaxaguenaxaua, somayi sa ishit da ileu. Qalaxayi so Jesús sa ishit da 'eetega somayi da sa ishit da ileu. Cha'ayi de'eda 'enapec 'eeta': “Da aÿim ñishitaique namayi da nachi 'eetai' qome da nca'altauec, chochi ivitta'a qom aÿim ñi'iguelaq, qaq ¡'am sa ishit qome da 'atapegueu'a namayi!”

Apocalipsis 3:4

Qalaxayi huo'o na shiÿaxauapi na netaña na Sardes na sa ishit da ishipaxanaqchi't na alogo. Qaq namayipi aÿim hueta'aguet qome, ÿaatrañi caua lapagaxaiqa alogo, cha'ayi nachi lataxac.

Juan 14:12

Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Mateo 13:31

So Jesús nataq'en ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ala ana l'enaxat mostaza mayi ÿacona ca shiÿaxaua da ÿaalec ca n'alhua.

Hechos 10:23

Nachi so Pedro ipa'axaadeuo, nachi soomayi l'ochaqa't ca hueta'a somayi se'eso pe. Qaq so lÿa na'a'q nachi so Pedro ca'ateguelo soomayi, nataq'en huo'oi soua lÿata'pe nam 'amqajnataxanaxaicpi mayi netaña yi Jope.

Hechos 11:1

Soua Jesús lamaxa'shi qataq so nqaÿañicpi mayi netaña yi Judea, somayipi co'ollaxa l'axaÿaxac da nataq'en ÿaconguet da l'aqtac ñi Dios na sa ishit da judiopi.

Hechos 11:12

Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

Hechos 11:26

Nachi nedaña yimayi, ÿalectraigui na 'amqajnataxanaxaicpi, ivi' 'oonolec vi'i. Nachi ÿataqta qalota na shiÿaxauapi na ÿapaxagueetrac. Qaq huaña yi Antioquía, nachi chita'ague da na 'amqajnataxanaxaicpi qailonec da quetague' so Cristo.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Hechos 16:2

Qaq so nqaÿañicpi mayi netaña yi Listra qataq yi Iconio ÿataqta no'on naq'en da n'aqtaguec somayi.

Hechos 16:40

Nachi soomayi co'ollaq queda'ai aso ncoñitaxanaxaqui, nachi nqo'oodeuga ca lma' aso Lidia. Qaq co'ollaq ima't da nauaneto na nqaÿañicpi qataq da i'añaqchittrac, nachi soomayi je'c.

Hechos 17:6

Qaq co'ollaq sa qaÿanatalo soomayi, nachi qaÿauec so Jasón, qaÿauogleeta. Qataq huo'oi soua lÿa't 'amqajnataxanaxaiqa da qaÿauegueu'alo som lta'alpi se'eso la ciudad. Nachi i'alaqtagui somayipi, 'eeta': –Ne'enaua shiÿaxa'u mayi idaxaatrapigui 'enauac na shiÿaxauapi da chigoqtra'ague, naamayi nagui qataq nvitra ne'ena souaqta'a.

Hechos 17:10

Qaq so nqaÿañicpi nachi ÿataqta sa qaÿaÿaloxon da so Pablo qataq so Silas qaÿamaxadegue da Berea se'eso pe. Qaq co'ollaq ivilyi', nachi nqo'oodeu'a aso laponaxaqui na judiopi.

Hechos 17:14

Qalaxayi so nqaÿañicpi sa ÿaÿaloxonai' somayi da qaÿamaq, da yaqto' taxaama so loigue aso auaxai. Qaq nda'a't so Silas qataq so Timoteo n'oidaña yi Berea.

Hechos 18:18

Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

Hechos 18:27

Nachi so Apolo co'ollaq huo'o da lyaxa da taitague da 'alhua Acaya, nachi so nqaÿañicpi itauan somayi da i'añaqchit, nachi qaÿauo'o aso nede qaÿamaxa so 'amqajnataxanaxaicpi mayi naña que'eca 'alhua da ÿataqta qailo'oguet somayi. Nachi somayi co'ollaq ivita yi Acaya, nachi ÿataqta lta'adaic da ltaunaxanaxac da itauaatac nam ñi Dios ÿachigoxotchigui naq'en da lqouagaxanaqtaic da da'amqajnataxan naq'en.

Hechos 21:7

Qaq sachigoxosoqchiguiña yi Tiro, chochi sovidaqta'a yi Tolemaida. Huaña yimayi, nachi tachiguiña da qoyiquiaxac da soqolaqtangui na 'etaxat. Qaq huaña yimayi, nachi ñauanaxai' so qadqaÿañicpi, nachi 'oonolec so na'a'q da souaqta'aguet.

Hechos 21:17

Qaq can mashi sovitaxa yi Jerusalén, nachi na qadqaÿañicpi ÿataqta qomi' ntootapegueque.

Hechos 22:5

Qaq som lataxala' na ntaxaÿaxanaxanecpi da qaitaxaÿapegue' ñi Dios, qataq 'enauac nam laÿipi nataxala'pi, namayipi ishit da i'axat de'eda, da nachina namayipi na aÿim ÿanem aso nede mayi taÿa'a na qadaÿipi judiopi mayi netaña yi Damasco. Qaq aÿim saÿa'a yimayi co'ollaxa da shi'iguena'a na 'amqajnataxanaxaicpi, da yaqto' ñauega na Jerusalén, qaq yi qaiuaxan.

Hechos 28:14

Nachi huaña, qaq huo'oi soua ñatenaqleguete qadqaÿa't, nachi soomayi qomi' 'eetegalo da souaqa'a 'oonolec la semana. Qaq can ime, nachi qaltaq soqolaq da saxague da Roma.