Hechos 1:14 - Nuevo Testamento Toba Sur

¹⁴ Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

Nuevo Testamento Toba Sombrero Negro

¹⁴ Ena'uaque jogaa'me nach'e eta't yema'ajalo nale qaedi netame'n, nach'e ena'am uo'oe gaa'me yauo', jañe'me María jo'ne lat'e ñe'me Jesús choqogaa'me lanoqolqa.

La'aqtaqa Ñim Lo'onatac 'Enauacna 2013

¹⁴ Qaq 'enauaque soomaye nache 'eetai' da lapoota'a't da nqouagaxaueeta'ape, ỹalectra'agueta aso late'e So Jesús, qataq soua lqaỹa't, qataq so laỹepi 'alpi.

Hechos 1:14 Referans Kwoze

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Hechos 6:4

Qaq qomi' nachi qolaqto'ot da qanqouagaxaunaxac qataq da qadapaxaguenataxanaxac da l'aqtac ñi Dios.

Colosenses 4:2

Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Mateo 21:22

Qataq 'enauac nam qami' qauÿaxañiÿaique da qanqouagaxauñiitac, da ÿataqta qau'amaqchiñi, nachi ishit da qauacoñiiguet.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Lucas 24:53

Nachi sa i'atai' da hueta'a aso n'onaxanaxaqui late'edai da ÿi'oxodeetac ñi Dios. Aja', nachi 'eetec de'eda.

Mateo 12:46

Qaq so Jesús ña detaqtapoigui se'eso shiÿaxauapi, co'ollaq nvideuo aso late'e qataq soua lqaÿa't. Qaq soomayi pa'atrauec, qaq nshitraique da detaxaidapegue' somayi.

Lucas 24:10

Qaq soua idodeuo da l'axaÿaxa'c soua once namaxa'shi, nachaso aso María mayi Magdala lashi, qataq aso Juana, qataq aso María mayi late'e so Santiago, qataq so laÿipi 'alpi.

Lucas 23:55

Nachi som 'alpi mayi ca'attague' so Jesús co'ollaq chigoqchiguiña yi Galilea nataq'en jec da demejnaxaneuga aso huachiqui. Nachi ÿauaachigui da qoÿiitec da l'oquiaxac so Jesús.

Lucas 23:49

Qaq 'enauac nam nauattonaxauapi so Jesús qataq som 'alpi mayi ca'attague' somayi co'ollaq chigoqchiguiña yi Galilea, nachi lshictauga ca hueta'a co'ollaq imeteetac da huaigui somayi.

Marcos 16:1

Qaq co'ollaq mashi inoxoneec so na'a'q mataxaqui, nachi aso María mayi lashi yi Magdala qataq aso lÿa María mayi late'e so Santiago, qataq aso Salomé, soomayi deshijnaxaada so codaxat da nqo'oodeuga da icoyiguilo da l'oquiaxac so Jesús.

Marcos 15:40

Nataq'en huo'o so 'alpi ilotau'a somayi. Qaq somayipi nachi ÿalectaigui aso María mayi lashi yi Magdala, qataq aso lÿa María mayi late'e so Santiago som n'asa qataq so José, qataq aso Salomé.

Mateo 27:55

Qaq ÿataqta qalota na 'alpi qaÿoqteuga da demejnaxaatac, nam ca'attague' co'ollaxa so Jesús, chigoqchiguiña yi Galilea da itauaatac somayi.

Lucas 24:33

Huaña, nachi sa ishit da huo'o ca iuattra'a soomayi, nachi je'c da ÿi'iguelaxadegue da Jerusalén. Huaña, nachi qanauaneto soua once namaxa'shi qataq 'enauac so laÿipi'.

Lucas 8:20

Nachi huo'o so da'aqtaxanem so Jesús, 'eeta': –Ada 'adate'e qataq daua 'adqaÿa't pa'atrauec, huotaique da 'am qanauane'.

1 Corintios 14:13

Qaq ÿoqo'oyi ca shiÿaxaua mayi hueto'ot da ishit da detaxaiguilo naua n'aqtaqa sa qaÿauangalo, no'on da nqouagaxaunot ñi Dios da ñaq ishit da ÿanem da i'axat ca naigui ne'enaua l'aqtaqa.