Hebreos 9:9 - Nuevo Testamento Toba Sur

⁹ Qaq 'enauac de'eda 'eeta'am da chochi naloqnaxanaxat nagui ne'enaua souaqtaiguilo na'axa'te. Cha'ayi ana nachitaqtaxanaqte qataq nam qoÿaneuo da qaÿavigaxat mayi huaigui somayi da qoÿanot ñi Dios, namayi sa ishit da ÿaÿamaxatchiguiñi da lavilÿaxac nam 'eetec de'eda da ÿi'oxoden ñi Dios.

Nuevo Testamento Toba Sombrero Negro

⁹ Qama'le nayi naa'me naajo' noloqo'ote, nach'eda jenjo' qoyen qadaloqotenaĝanac, qa'a gaa'me nachetaqataĝanaqatel nataq'aen jogaa'me najaqajel jo'ne qoyigouelo da'me qoyanoto joñe'me Dios, ja naqaegaua ta'le yaqanate't da'me en yataqatelo'te q'ae'n gaa'me lai'li jogaa'me jiyaĝa'u, qom naq'aeta da'me li'yoĝodenataĝanaĝa'j.

La'aqtaqa Ñim Lo'onatac 'Enauacna 2013

⁹ Qaq 'enauac de'era qaỹo'ot cha'aye qomi' qaỹachaxaategalo da ỹoqta ỹactec da la'amaqchec nagui: sa seshetaq da shenaqtega mashe qaỹapalaxat na qarasouaxashetpi souaxat da sanaxauo aca qarachetaqtaxanaqte, ana saishet da qaỹavigaxat qataq ana qaỹavigaxatta.

Hebreos 9:9 Referans Kwoze

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Hebreos 5:1

Cha'ayi ñi 'oonolec nam lataxala'pi na ntaxaÿaxanaxanecpi qaÿachigoxottoigui nam shiÿaxauapi, nachi qoÿideuo, da yaqto' ltaxaÿaxanaxanec qanqoÿin na shiÿaxauapi da detaxaÿapegue' ñi Dios, qataq da ÿaneuo ana nachitaqtaxanaqte, qataq da qaÿavigaxat na nachitaqtaxanaxat, da yaqto' qaÿapalaxat na nasouaxashit.

Romanos 5:14

Qaq nachi chigoqchiguiña so Adán nachi ivitta'a so Moisés da de'eda nleuaxa ÿataqta huo'o da l'añaxac da ishit da ileu naq'en nam huo'o da ÿasouaxat, qaq nai'ctaxa da huo'otaq de'eda lasouaxashit, sa ishit da chigoqchigui da souaxat da sa ÿalaxaguet ca namaxasoxonaxac, 'eeta'am da 'eetec so Adán. Qaq so Adán, somayi chochi 'ico' lqui'i som naÿa'cna.

Hebreos 11:19

Cha'ayi so Abraham ÿaÿateeta da ñi Dios ÿataqta huo'o da l'añaxac, ivida'a da ishit da qaltaq nca'alaxateec na leuaxaicpi. Qaq da naigui de'eda, 'eeta'am da so Abraham qaltaq ÿaconguet so llalec da chigaqaigui na leuaxaicpi.

Hebreos 10:11

Qaq 'enauac nam ltaxaÿaxanaxanecpi na judiopi da qaitaxaÿapegue' ñi Dios, namayipi i'ot da l'onataxanaxac na na'axa'tesa'chi qataq queto'ot da ÿi'iguelaxattalec da ÿaatapegueuo nam nachitaqtaxanaxatpi, qaq nai'ctaxa da ne'ena nachitaqtaxanaxatpi sa ishit da nqat na nasouaxashitpi.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Hebreos 7:11

Na llalaqpi so Israel co'ollaq ÿaconguet na nqataxacpi, qalaq chigoqchigui qanqoÿin na ltaxaÿaxanaxanecpi mayi llalaqpi so Leví, nam nataq'en llalaqpi so Aarón. Qaq na ntaxaÿaxanaxanecpíctaxa da ishit da nalochiguiñi naq'en da lataxac nam quetague' na nqataxacpi, nachi sa ishíttaxa da iuen da anac ca lÿa ntaxaÿaxanaxanec da qaitaxaÿapegue' ñi Dios, da 'eeta'am da lataxac so Melquisedec, qaq sa ishit da 'eeta'am so Aarón.

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

Hebreos 8:4

Qaq somayi da huo'otaq ñaq hueta'a ana 'alhua, nachi sa ishíttaxa da ntaxaÿaxanaxanec, cha'ayi ñaq huo'o nam ntaxaÿaxanaxanecpi mayi ÿaatapegueuo ana nachitaqtaxanaqte mayi damaxasoxoolec co'ollaxa so Moisés.