Hebreos 9:24 - Nuevo Testamento Toba Sur

²⁴ Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Nuevo Testamento Toba Sombrero Negro

²⁴ Qa'a ñe'me Cristo ja taue ga'me tamenaĝaiqui jo'ne 'lonata'j jogaa'me jiyaĝa'u, ga'me jo'ne ch'e lequi'i ga'me tamenaĝaiqui jo'ne yataqatelegue, dite da'me yec'adije'ma di'me piyem, nach'edi di'me jo'ne ua'ague nayi, da'me male dajoya'aguet joñe'me Dios qaedi qo'mi nachoĝodetapelo'te.

La'aqtaqa Ñim Lo'onatac 'Enauacna 2013

²⁴ Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Hebreos 9:24 Referans Kwoze

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 9:23

Qaq 'eda da 'eetec da qaiuen da huo'o ca qoÿaneuo da qaÿavigaxat, da yaqto' qaiqui'itaxat na nogoxoshitpi mayi chochi lqui'i cam hueta'ague da piguem. Qalaxayi nam nogoxoshitpi mayi hueta'ague da piguem, namayipi nataq'en iuen da qaÿauo'o ca qoÿan mayi napacalec ne'ena qoÿaatapegueuopi nagui da yaqto' qaÿavigaxat.

Hebreos 8:2

Qataq somayi nachiso so ntaxaÿaxanaxanec da qaitaxaÿapegue' ñi Dios cam ÿataqta lauo' ñimayi da piguem, cam noÿic mayi maichi l'onatac ñi qadataxala', qaq sa ishit da l'onatac na chochi shiÿaxauapi.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Colosenses 3:2

Qaq ÿataqta tatapigui qadvilli cam pa'ata'ague da piguem, qaq sa ishit da qauennachiitapega nam huetalec ana 'alhua.

Romanos 8:33

Qaq ÿoqo'oyi ¿negue'tom ca ishit da ÿauo'o ca lasouaxashit cam lca'aguishic ñi Dios? Cha'ayi ñim Dios mayi i'axat da qaica ca lasouaxashit camayi.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

Lucas 24:51

Qaq co'ollaq mashi ÿanem da nqouagaxa somayipi, nachi ca'ai da qaÿaueegue da piguem.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Marcos 14:58

–Qomi' sa'axasoqchigui damayi co'ollaq 'eeta': “Aÿim ñilaxajñi qome aña'añi n'onaxanaxaqui mayi l'onata nam chochi shiÿaxauapi; qaq ivi' tres na'axa'te, nachi semat da ñi'oxooshiguem aca lÿa n'onaxanaxaqui mayi sa ishit da l'onata na chochi shiÿaxauapi.”

Apocalipsis 8:3

Ime, qataq anac so lÿa namaxashic piguem l'ec, lasoqta'a so lmala' na nchinaxanaxat mayi chigaqaigui na oro. Nachi nachatteu'a aso nca'atoxonaxalate. Nachi qoÿanem so ÿataqta qalota na nchinaxanaxat, da yaqto' ÿaneuo, lÿateuo naq'en da nqouagaxaunaxac 'enauac na lalamaxatpi ñi Dios, da ÿachalec aso nca'atoxonaxalate chigaqaigui na oro mayi netaña yi naloteuga so so'onqa'.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Hebreos 9:9

Qaq 'enauac de'eda 'eeta'am da chochi naloqnaxanaxat nagui ne'enaua souaqtaiguilo na'axa'te. Cha'ayi ana nachitaqtaxanaqte qataq nam qoÿaneuo da qaÿavigaxat mayi huaigui somayi da qoÿanot ñi Dios, namayi sa ishit da ÿaÿamaxatchiguiñi da lavilÿaxac nam 'eetec de'eda da ÿi'oxoden ñi Dios.

Hebreos 8:5

Qalaxayi ne'ena ntaxaÿaxanaxanecpi de'eda l'onataxanaxac, damayi 'eeta'am da chochi lqui'i qataq lpaqal cam hueta'ague da piguem. Cha'ayi saÿajnaq da chochi n'enaqtac, cha'ayi co'ollaq huotaique da i'ot so Moisés so lauo' ñi Dios, qalaq ñimayi 'enapega somayi 'eeta': “'Aulochigui qome da lataxac qataq 'au'enaxatchigui da n'onataxac so 'am sachaxana co'ollaq huaña añi qasoxonaxa Sinaí.”

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 9:1

Nataq'en som hua'auchiguiñi aÿamaxataxac huo'o da lataxac da qai'ot da ñi'oxonnataxanaxac, qalaxayi huaigui acam n'onaxanaxaqui mayi lashi ana 'alhua.