Hebreos 9:23 - Nuevo Testamento Toba Sur

²³ Qaq 'eda da 'eetec da qaiuen da huo'o ca qoÿaneuo da qaÿavigaxat, da yaqto' qaiqui'itaxat na nogoxoshitpi mayi chochi lqui'i cam hueta'ague da piguem. Qalaxayi nam nogoxoshitpi mayi hueta'ague da piguem, namayipi nataq'en iuen da qaÿauo'o ca qoÿan mayi napacalec ne'ena qoÿaatapegueuopi nagui da yaqto' qaÿavigaxat.

Nuevo Testamento Toba Sombrero Negro

²³ Chane'eja 'uo da'me youetaque da'me 'uo ga'me najaqajec qaedi yiyo'y qoye'n jogaa'me uo'oe jo'ne ch'e lequi'il gaa'me jo'ne yoĝodache 'me ueda'ague di'me piyem. Qalaĝaja gaa'me yoĝodache jo'ne ueda'ague di'me piyem, youetapiye ga'me najaqajec jo'ne onaĝaic, 'me ja ena'ama gaa'me jo'ne qoyauo'oe nale.

La'aqtaqa Ñim Lo'onatac 'Enauacna 2013

²³ Qaq ỹoqo'oye iuen da qaỹalauat se'eso shiguiỹac da yaqto' qaiqui'itaxat 'enauac na huetaigui ñi npe'l maye lqui'i ca hueta'ague da piguem. Qalaxaye ca hueta'ague da piguem iuen cam ỹataqta ỹactec da lyac, napacalec ca nachetaqtaxanaxat shiguiỹac maye qaỹavigaxatta.

Hebreos 9:23 Referans Kwoze

Hebreos 10:4

cha'ayi ne'ena ltago'q na huaca lhuadaicpi qataq na quetaq lhuadaicpi, namayi sa ishit da ÿañoxot da nqat na nasouaxashitpi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Hebreos 8:5

Qalaxayi ne'ena ntaxaÿaxanaxanecpi de'eda l'onataxanaxac, damayi 'eeta'am da chochi lqui'i qataq lpaqal cam hueta'ague da piguem. Cha'ayi saÿajnaq da chochi n'enaqtac, cha'ayi co'ollaq huotaique da i'ot so Moisés so lauo' ñi Dios, qalaq ñimayi 'enapega somayi 'eeta': “'Aulochigui qome da lataxac qataq 'au'enaxatchigui da n'onataxac so 'am sachaxana co'ollaq huaña añi qasoxonaxa Sinaí.”

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Colosenses 2:17

Cha'ayi 'enauac ne'enapi chochi 'ico' lqui'i cam ñaq naÿa'cna, qalaxayi dam lataxac mayi ÿoqta 'eesa, nachiso so Cristo.

Lucas 24:46

Nachi 'enapeco': –Dam nanettañi i'axat da ca nta'a mayi nca'alaxaqui hua'auñi qome da qaÿalauat. Qaq qom mashi inoxoodeec caua tres na'axa'te, nachi qaltaq nca'aleec qanqoÿin.

Lucas 24:26

¿Sa qauaÿajñiÿo' peta'a da que'eca nta'a nca'alaxaqui hua'auñi qome da huo'o da nque'ejnaxac qom saxanaxa da inoxoneu'a ca lli'oxoyic?

Hebreos 10:1

Cha'ayi na nqataxacpi mayi chigoqo'ot co'ollaxa so Moisés, namayi 'eeta'am da chochi lpaqal cam naÿa'cna mayi ÿoqta ÿaÿamaqchiguiñi, qaq sa ishit da nachina namayi na ÿoqta 'eesa. Qaq ÿoqo'oyi ne'ena nqataxacpi sa ishit da ÿoqta nalochiguiñi naq'en da lataxac nam nachaateu'a ñi Dios, chigoqchigui ne'ena qoÿaatapegueuo mayi qaÿi'iguelaqtalec yi 'oonolec vi'i.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

Hechos 23:15

Qaq nagui qami' qataq nam laÿipi nta'alpi mayi loicnatac na lataxaguesat, qauÿaxañiÿot qome ñi huataxanaq lta'a, da yaqto' qoyi'oxoñi nte'eta nachi navigui' ca Pablo, chochi qoñiÿapec qome da huotaique da ÿoqta qaumijñiita da lasouaxashit somayi. Qaq qomi' qome nachi sogote da ñaÿamaxataqtai', da yaqto' salauataq camayi qom huo'otaq saxanaxa da noviyi'.