Hebreos 9:10 - Nuevo Testamento Toba Sur

¹⁰ Cha'ayi damayi nachida da chochi yi'oqchigui nqui'axac qataq ÿomaxac qataq dam ÿotta'a't ÿoxoc mayi chochi lataxac da qad'oquiaxac, qaq damayi ÿataqta huo'o da naigui da huo'otaq ñaq saxanaxa da nadalaxat ca lataxac ñi Dios.

Nuevo Testamento Toba Sombrero Negro

¹⁰ Yema da'me dojo' jo'ne qoya'uo joca'li, nach'edaua daa'me namaĝajoĝonaĝaco jo'ne ch'e yelotede'eguet da'me jiyaĝaua lapachiaĝac, da'me 'uo da'me niqui'yaĝac nataq'aen da'me yomaĝac, choqodaa'me niyoĝoco jo'ne yodapecache, da'me dojo' jo'ne te'me 'uo da'me lajo'viyaĝac chayovida'a qom Dios yadalaĝa't yemeda jogaa'me uo'oe.

La'aqtaqa Ñim Lo'onatac 'Enauacna 2013

¹⁰ 'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Hebreos 9:10 Referans Kwoze

Colosenses 2:16

Qaq ÿoqo'oyi qami' sa ishit qome da qauqochiitega ca qami' quetapeguelguete souaxat cam yi'oqchigui qanallic, huo'otaq cam qanÿomgui, huo'otaq cam na'a'q mayi sa qaishitapec, huo'otaq da dalaxaic so ca'agoxoic, huo'otaq ca na'a'q mataxaqui.

Efesios 2:15

Cha'ayi so Cristo nachida da maichi l'oquiaxac da chigoqchigui da imeuo naq'en 'enauac da lapaxaguenataxanaxac na nqataxacpi. Ime, nachi ÿauaxaÿaxanguet na judiopi qataq na sa ishit da judiopi da 'eeta'am ca dalaxaic nhuo' l'ecpi, qataq da n'attau'a naq'en somayi. Qaq 'eda da 'eetec somayi da i'ot da qadlagaxayic.

Hebreos 7:16

da somayi qoÿanagui da ntaxaÿaxanaxanec. Qalaxayi sa ishit da chigaqaigui ca ñalaqpi mayi i'axat na nqataxacpi da chigaqaigui ca ntaxaÿaxanaxanec. Cha'ayi somayi chigoqchigui da l'añaxac da nachaalataxac mayi sa ishit da qanlaxajñi.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 9:1

Nataq'en som hua'auchiguiñi aÿamaxataxac huo'o da lataxac da qai'ot da ñi'oxonnataxanaxac, qalaxayi huaigui acam n'onaxanaxaqui mayi lashi ana 'alhua.

Hebreos 6:5

qataq da mashi ÿaÿateeta da l'aqtac ñi Dios, qataq dam n'añaxac mayi hueta'a cam 'alhua mayi ñaq naÿa'cna,

Hebreos 2:5

Cha'ayi ñi Dios sa ishit qome da ÿachito'ot naq'en ca lamaxasoxonaxac na lamaxashic piguem l'ecpi cam 'alhua mayi sa'axataqtac.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

Hebreos 6:2

qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

Efesios 1:10

Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

Gálatas 4:9

Qalaxayi nagui da qauauattoñi ñi Dios, huo'otaq da ñimayi qami' ÿauatto'n, nachi ¿táloxochiyictoxo' qami' da qaltaq qavi'iguelaqaitega dam napaxaguenataxanaxac mayi qaica ca l'añaxac qataq qaica ca naigui da qaltaq qoviito'ot, da yaqto' qami' l-lataqa?

Marcos 7:4

Da huo'otaq chigaqa'a ca menqa', qalaq sa ishit da nachi deque'e da huo'otaq saxanaxa da i'ot da n'onataxac da iÿoi' naua lhua'q. Qataq huo'o na laÿipi 'onataxac mayi ÿaconguet da quegue: da n'onataxac da qaiÿo ana ÿomaxaqui, qataq ana naco'oña, qataq ana nataxagui, qataq na mala'.)

Hebreos 7:12

Cha'ayi da qanqochinaxat na ntaxaÿaxanaxanecpi, nachi nataq'en iuen da qanqochinaxat na nqataxacpi.