Hebreos 8:8 - Nuevo Testamento Toba Sur

⁸ Qalaxayi ñi Dios ila'a da se'eso shiÿaxauapi sa ishit da nalochiguiñi da lataxac, qaq tachigui da l'aqtac co'ollaq 'eetega somayipi nam l'aqtaqa mayi nanettrañi, 'eeta': Ñi qadataxala' 'eeta': Huo'o qome ca na'a'q, qaq aÿim ñadalaxat ca ñaÿamaxataxac da ñaÿamaxate' na llalaqpi so Israel qataq so Judá.

Nuevo Testamento Toba Sombrero Negro

⁸ Qalaĝaja ñe'me Dios yauana ca'li da'me ja yataqatelo'te q'ae'n ga'me jiyaĝadipi, qama'le eetac: “Uo'oe qomle gaa'me noloqo'ote qom ja'uo ga'me dalaĝaic 'me 'yamaqatenataĝanaĝac qaedi ñiyamaĝadenegueta joga'me lec'oqo'tepi ñe'me Israel choqoñe'me Judá.

La'aqtaqa Ñim Lo'onatac 'Enauacna 2013

⁸ Qalaxaye Ñim Lo'onatac 'Enauacna ila'a da se'eso shiỹaxauapi saishet da ỹalaxalec dam 'eetapeguec, nache Ñimaye 'eeta': «Anata ca na'a'q, qom Aỹem ñaralaxat ca ñaỹamaxataxac da ñaỹamaxate' na Israel le'ecpi qataq na Judá le'ecpi.

Hebreos 8:8 Referans Kwoze

Hebreos 12:24

cam hueta'a so Jesús mayi nachiso so qadtaxaÿaxanaxanec nagui da dalaxaic qanaÿamaxataxac da qanaÿamaxate' ñi Dios, qataq cam hueta'a soua ltago'q so Jesús mayi qaichigoxosoxonalo. Soomayi ÿataqta napacalec da 'eetec soua ltago'q so Abel da qomi' da'aqtaxanema.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

2 Corintios 3:6

Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

1 Corintios 11:25

Qaq co'olla mashi ime da lqui'axac, nachi ÿacona aso ÿomaxaqui. Nachi 'enapeco': “Ana'ana ÿomaxaqui, nachana ana naigui da dalaxaic aÿamaxataxac mayi ÿoqta 'itchiguiñi naq'en naua itago'q. Qaq da ivita da qalta qanÿomiigui, qalta qauennachi aÿim.”

Lucas 22:20

Qaq nachi i'enaxatteguet nataq'en aso ÿomaxaqui co'ollaq mashi ime da nqui'axac, nachi 'eeta': –Ana'ana ÿomaxaqui nachana ana naigui da dalaxaic aÿamaxataxac mayi ÿataqta 'itchiyiñi naq'en naua itago'q mayi qaicoldeec da qaitaunec da qoñiita.

Marcos 14:24

Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Lucas 17:22

Nachi 'enapega so lapaxaguenatacpi, 'eeta': –Huo'oi qome caua na'axa'te, qaq qami' huo'o da qadyaqai da qanauañi' cam 'oonolec caua na'axa'te mayi huetoigui da nachaxan na shiÿaxaua llalec, qalaxayi sa ishit qome da qanauañi'.

Mateo 26:28

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Hebreos 7:22

Qaq ÿoqo'oyi so Jesús nachiso so ÿataqta 'itchiguiñi da 'en naq'en cam aÿamaxataxac mayi ÿataqta ÿaÿamaqchiguiñi, saq 'en'am som hua'auchiguiñi.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

Hebreos 8:13

Qaq ñi Dios da huo'otaq detaqtega cam dalaxaic aÿamaxataxac, qaq ñimayi 'eeta'am naq'en da mashi lto so hua'auchiguiñi; qaq dam 'eeta'am da mashi lto qataq mashi sa qai'onataxana, damayi saqaÿaloq qome da imeuo.

Lucas 5:38

Qaq ÿoqo'oyi que'eca dalaxaicolec lataxa, camayi qaÿachangui acam dalaxaale l'oc ca shiguiÿac, qaq yaqto' caamayi nachi 'eetai' da sa ishit da daqa't.