Hebreos 8:7 - Nuevo Testamento Toba Sur

⁷ Cha'ayi se'eso hua'auchiguiñi lataxac da qanaÿamaxate' ñi Dios, da huo'otaq ÿataqta nalochiguiñi co'ollaxa, nachi sa ishíttaxa da iuen da qanadalaxat ca aÿamaxataxac.

Nuevo Testamento Toba Sombrero Negro

⁷ Ta'le eja da'me 'uo ga'me chiyaqayi da'me 'namaqatenataĝanaĝac jo'ne 'uaechiñe, qama'le ja qoyouetaque ta'le 'uo ga'me laqaya jo'ne p'ategue.

La'aqtaqa Ñim Lo'onatac 'Enauacna 2013

⁷ Da se'eso hua'auchiguiñi naỹamaxataxac Ñim Lo'onatac 'Enauacna co'ollaq naỹamaxate' na Israel le'ecpi da ỹataqta nalochiguiñictaxa, nache saishet da iuen da dalaxaic ca aỹamaxataxac.

Hebreos 8:7 Referans Kwoze

Hebreos 7:11

Na llalaqpi so Israel co'ollaq ÿaconguet na nqataxacpi, qalaq chigoqchigui qanqoÿin na ltaxaÿaxanaxanecpi mayi llalaqpi so Leví, nam nataq'en llalaqpi so Aarón. Qaq na ntaxaÿaxanaxanecpíctaxa da ishit da nalochiguiñi naq'en da lataxac nam quetague' na nqataxacpi, nachi sa ishíttaxa da iuen da anac ca lÿa ntaxaÿaxanaxanec da qaitaxaÿapegue' ñi Dios, da 'eeta'am da lataxac so Melquisedec, qaq sa ishit da 'eeta'am so Aarón.

Hebreos 7:18

Qaq ÿoqo'oyi se'eso hua'auchiguiñi namaxasoxonaxac, somayi qansoguiñi, cha'ayi somayi qaica ca l'añaxac, qataq qaica ca naigui.

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.