Hebreos 8:5 - Nuevo Testamento Toba Sur

⁵ Qalaxayi ne'ena ntaxaÿaxanaxanecpi de'eda l'onataxanaxac, damayi 'eeta'am da chochi lqui'i qataq lpaqal cam hueta'ague da piguem. Cha'ayi saÿajnaq da chochi n'enaqtac, cha'ayi co'ollaq huotaique da i'ot so Moisés so lauo' ñi Dios, qalaq ñimayi 'enapega somayi 'eeta': “'Aulochigui qome da lataxac qataq 'au'enaxatchigui da n'onataxac so 'am sachaxana co'ollaq huaña añi qasoxonaxa Sinaí.”

Nuevo Testamento Toba Sombrero Negro

⁵ Qalaĝaja da'me jo'ne yauote jogaa'me tamenaĝaiqui lo'ol ja naqaeda ta'le chiyaqayi joda'me eja, qa'a ga'me tamenaĝaiqui choqogaa'me jo'ne uetedaue ch'e lequi'il jogaa'me ejoda jo'ne ueda'ague di'me piyem. Qa'a naq'aeta da'me qo'yaĝatem joñe'me Moisés joca'li jetaque ye'et ga'me tamenaĝaiqui, qama'le eetac joñe'me Dios: “Auelo'tegue da'me dojo' jo'ne am japaĝaguenec qama'le auadenaĝat da'me 'loyaĝac ga'me jo'ne aualoĝona ca'li oua'ña jadi'me qajoĝonaĝa.”

La'aqtaqa Ñim Lo'onatac 'Enauacna 2013

⁵ Qalaxaye de'era lo'onataxanaxac se'eso ntaxaỹaxanaxanecpi da qaitaxaỹapegue' Ñim Lo'onatac 'Enauacna, damaye 'eeta'am da choche qaiuennatega cam hueta'ague da piguem. Qaq ỹoqo'oye so Moisés co'ollaq huotaique da ỹo'ot so npe'l maye lanataqa' Ñim Lo'onatac 'Enauacna, qaq Ñimaye 'enapega somaye, 'eeta': «'Am, no'on da ỹataqta 'alotelec qome da lataxac qataq 'aue'enaxatchigui da no'onataxac so 'am sachaxana co'ollaq huaña añi qaỹoqotcheguemec 'alhua.»

Hebreos 8:5 Referans Kwoze

Colosenses 2:17

Cha'ayi 'enauac ne'enapi chochi 'ico' lqui'i cam ñaq naÿa'cna, qalaxayi dam lataxac mayi ÿoqta 'eesa, nachiso so Cristo.

Hebreos 10:1

Cha'ayi na nqataxacpi mayi chigoqo'ot co'ollaxa so Moisés, namayi 'eeta'am da chochi lpaqal cam naÿa'cna mayi ÿoqta ÿaÿamaqchiguiñi, qaq sa ishit da nachina namayi na ÿoqta 'eesa. Qaq ÿoqo'oyi ne'ena nqataxacpi sa ishit da ÿoqta nalochiguiñi naq'en da lataxac nam nachaateu'a ñi Dios, chigoqchigui ne'ena qoÿaatapegueuo mayi qaÿi'iguelaqtalec yi 'oonolec vi'i.

Hebreos 9:9

Qaq 'enauac de'eda 'eeta'am da chochi naloqnaxanaxat nagui ne'enaua souaqtaiguilo na'axa'te. Cha'ayi ana nachitaqtaxanaqte qataq nam qoÿaneuo da qaÿavigaxat mayi huaigui somayi da qoÿanot ñi Dios, namayi sa ishit da ÿaÿamaxatchiguiñi da lavilÿaxac nam 'eetec de'eda da ÿi'oxoden ñi Dios.

Hebreos 12:25

Qaq ÿoqo'oyi maxatchaxa qome da qoñiita, sa ishit da huo'o ca sa ÿoqocha'a ñi Dios mayi qomi' detaqtacoto. Cha'ayi ÿataqta sa ishit da huo'o co'ollaxa ca qoÿit som sa ishit da hua'axaÿa ñi Dios co'ollaq huaqattega somayipi ana 'alhua, qaq ¿huá'aguectoxo' da ishit da qomi' qoÿi't da huo'otaq sa ñi'axaÿaxanaxa da lavilÿaxac ñim neto'ot na piguem da qomi' huaqattegalo?

Hebreos 11:7

So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

Hechos 7:44

Qaq som hua'au qadta'alpi co'ollaq huetalec so tojlec 'alhua, nachi somayipi ÿachitac so npe'l mayi huetaiguilo soua nanettalguete soua lqataxaco ñi Dios. Qaq se'eso npe'l, somayi qai'enaxachigui co'ollaxa so ÿamaxalec ñi Dios so Moisés, co'ollaq 'enapega somayi da yaqto' i'enaxatchigui da n'onataxac som ÿauaachigui.

Mateo 2:12

Qaq co'ollaq ime', nachi huo'o da nqataxa'c huaigui so l'ochaqa' da sa ishit da ÿi'iguelaqtreuga yi netaña so nta'a Herodes. Nachi tatreuga ca lÿa nqa'aic co'ollaq ÿi'iguelaxadegue ca lma't.

Hebreos 13:10

Cha'ayi qomi' huo'o aso qadca'atoxonaxalate mayi sa ishit da huo'otaq chigueu'a ca laÿi na nachitaqtaxanaxatpi som ltaxaÿaxanaxanecpi na shiÿaxauapi da qaitaxaÿapegue' ñi Dios mayi ilotague' so toguishic lauo' ñi Dios.

Apocalipsis 15:5

Qaq can ime de'eda, qaltaq ñamatashiguem. Nachi sela'a aso n'onaxanaxaqui piguem lashi da nauatoigui som huetaiguilo soua coma'yi mayi nanettalguete soua lqataxaco ñi Dios.