Hebreos 7:19 - Nuevo Testamento Toba Sur

¹⁹ Cha'ayi nam lqataxacpi so Moisés sa ishit da ÿañoxot da naloqchiichiguiñi da lataxac na shiÿaxauapi. Qalaxayi nmenguet qanqoÿin dam qanaquitaxac mayi qaica ca 'en'am, qaq nachida da chigoqchigui da huo'o mshi ñoqochinaxau'a ñi Dios.

Nuevo Testamento Toba Sombrero Negro

¹⁹ Qa'a daa'me namaĝajoĝonaĝaco jo'ne qoyanema joca'li ñe'me Moisés ja yañoĝo't ta'le e'n yataqatelo'te ga'me jiyaĝadipi. Qalaĝaja nayi male 'uo da'me dojo' qadeuataqataĝanaĝac jo'ne onaĝaic, qa'a nach'eda jo'ne male jaqanatetaq ta'le jec'otaĝa joñe'me Dios.

La'aqtaqa Ñim Lo'onatac 'Enauacna 2013

¹⁹ Ne'ena namaxasoxonaxacpi saishet da ỹañoxot da nalochiguiñi naqa'en na shiỹaxauapi. Qaq ỹoqo'oye nagui lta'araic da qanaquitaxac da seuataqta'a Ñim Lo'onatac 'Enauacna da qomi' ỹanema ca ỹactec da lyac, cam ishet da qomi' ỹaueegueta da qanauochaxaua Ñimaye.

Hebreos 7:19 Referans Kwoze

Hechos 13:39

Qaq ÿoqo'oyi 'enauac nam i'amaqten somayi, nachi ishit da qaÿapalaxat 'enauac nam lasouaxashitpi mayi sa ishit co'ollaxa da ÿañoxot da ÿapalaxat nam lqataxacpi so Moisés.

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Hebreos 9:9

Qaq 'enauac de'eda 'eeta'am da chochi naloqnaxanaxat nagui ne'enaua souaqtaiguilo na'axa'te. Cha'ayi ana nachitaqtaxanaqte qataq nam qoÿaneuo da qaÿavigaxat mayi huaigui somayi da qoÿanot ñi Dios, namayi sa ishit da ÿaÿamaxatchiguiñi da lavilÿaxac nam 'eetec de'eda da ÿi'oxoden ñi Dios.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Hebreos 11:40

cha'ayi ñimayi huo'o cam ÿacteec da lyaquiaxac mayi ÿaqataxaatapigui'. Cha'ayi ñimayi tachigui yi lauel da shinaqta, yaqto' se'eso shiÿaxauapi ishit da qadÿateuo qom inoxoneu'a da ÿataqta naloqchiichiguiñi da nachaalataxac.

Hebreos 10:1

Cha'ayi na nqataxacpi mayi chigoqo'ot co'ollaxa so Moisés, namayi 'eeta'am da chochi lpaqal cam naÿa'cna mayi ÿoqta ÿaÿamaqchiguiñi, qaq sa ishit da nachina namayi na ÿoqta 'eesa. Qaq ÿoqo'oyi ne'ena nqataxacpi sa ishit da ÿoqta nalochiguiñi naq'en da lataxac nam nachaateu'a ñi Dios, chigoqchigui ne'ena qoÿaatapegueuo mayi qaÿi'iguelaqtalec yi 'oonolec vi'i.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Hebreos 7:11

Na llalaqpi so Israel co'ollaq ÿaconguet na nqataxacpi, qalaq chigoqchigui qanqoÿin na ltaxaÿaxanaxanecpi mayi llalaqpi so Leví, nam nataq'en llalaqpi so Aarón. Qaq na ntaxaÿaxanaxanecpíctaxa da ishit da nalochiguiñi naq'en da lataxac nam quetague' na nqataxacpi, nachi sa ishíttaxa da iuen da anac ca lÿa ntaxaÿaxanaxanec da qaitaxaÿapegue' ñi Dios, da 'eeta'am da lataxac so Melquisedec, qaq sa ishit da 'eeta'am so Aarón.

1 Timoteo 1:1

Aÿim Pablo, aÿim lamaxashic so Jesucristo. Qaq de'eda ñamaxasaguec chigoqtot ñi Dios mayi qadca'alaxaqui, nataq'en so qadataxala' Jesucristo mayi ÿataqta qadpe'et.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Efesios 3:12

Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Gálatas 3:24

Qanachi ne'ena nqataxacpi co'ollaxa chochi qomi' ilotagueto, 'eeta'am naq'en qomi' ca nogotolec da qomi' ÿapaxagueeta'pe, ivitta'a co'ollaq nvi' so Cristo, yaqto' da sa'amaqtenaq somayi, nachi ñi Dios ishit da qomi' ÿaÿamaxadeete'.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Romanos 7:7

Qaq ÿoqo'oyi ¿chaq huá'ague ca 'eetec ca qad'aqtac? ¿Peta'a qauem na nqataxacpi? ¡'A'i, sa ishit! Cha'ayi aÿim sa ishit co'ollaxa da saÿaten chaq negue't dam ñi'itaxaloxo, da huo'otaq sa ishit da aÿim da'aqtaxanem na nqataxacpi. Qaq chochi saloqnaxana da aÿim sa ishit da saÿaten ca lataxac da huo'otaq qaÿoqopitta'a ca ÿaqa'a, da huo'otaq aÿim sa da'aqtaxanem na nqataxacpi, da 'eeta': “Sa ishit qome da 'auqopitta'a ca ÿaqa'a.”

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Hebreos 7:20

Qaq ñi Dios co'ollaq i'ot de'eda, qalaq ÿataqta ÿan so l'aqtac da yaqto' ipacchigui.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Santiago 4:8

Qanquiquiÿot ñi Dios, qaq ñimayi sa qami' iÿotapigui. Qami' 'itaxaloxoicpi, qai'axañiiuec da qauacoñiigui ca sa ÿaÿamaxañi. Qami' mayi qanshiitaique da qauauochiic ñi Dios qataq na huetalecna, nal'en da qauqui'itaxachiite' qome naua qadquiyaqchilli'.