Hebreos 6:8 - Nuevo Testamento Toba Sur

⁸ Qalaxayi que'eca 'alhua da huo'otaq ñaxajlec ana ÿaxat qataq ana huoue, nachi camayi ÿataqta qaica ca naigui, taÿa'a da ÿauo'o ca nhuaxanaguec naq'en ñi Dios, qataq taÿa'a da qaÿavigaxat.

Nuevo Testamento Toba Sombrero Negro

⁸ Qalaĝaja ga'me aleua jo'ne qaya'te chiyaqayi, jouaĝat da'me jaldata da'me en naje'ma jana'me yaĝat choqoga'me lolelaĝa, qama'le nach'ega ga'me aleua jo'ne taya'a da'me 'uo ga'me ne'uaĝanaguec 'me chiyoqo'ot joñe'me Dios, chayovida'a da'me qoyigoue ena'uac.

La'aqtaqa Ñim Lo'onatac 'Enauacna 2013

⁸ Qalaxaye nam ỹaxaañi da lpi'iỹaxac, nache namayepi 'eeta'am ca 'alhua maye ndota't ana huoue maye huo'o ana le da ñaxaalec, ỹataqta qaica ca naigui, qaq Ñim Lo'onatac 'Enauacna ỹasaxalec ca qauem. Qaq da pa'atec, nache ỹoqta qaỹavigaxat.

Hebreos 6:8 Referans Kwoze

Juan 15:6

Qaq cam sa ishit da aÿim n'attau'a, nachi camayi qaÿasaxauec, nachi daqaqa, 'eeta'am ana lcouepi mayi qalaÿona't, nachi qaÿasaxangui ca nodec da qaÿavigaxat.

Hebreos 12:17

Qaq qami' qauaÿajñi da co'ollaq imat da imen, nachi co'ollaq ivita so na'a'q da so Esaú nshitaique da ÿaconguet da no'on lliquiaxac mayi ÿami' so lta'a, nachi somayi qaimaqa'aguet. Nai'ctaxa da ÿataqta noÿiitac, qalaxayi mashi sa ishit da nadalaxat ca 'eetec dam mashi i'ot.

Hebreos 10:27

Chaqdata da qomi' seuataqta'aguet cam qaica ca 'en'am lchiquiaxac qom qanmit 'enauacna, qataq cam qaica ca 'en'am na l'edaxa nodec mayi ÿavigaxat qome na npa'aguenaxauapi ñi Dios.

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Marcos 11:21

Nachi so Pedro tachigui lauel co'ollaxa da l'aqtac so Jesús, nachi 'enapego' somayi, 'eeta': –'Am mayi 'auapaxaguenataxaatac, ña 'aula'a adam higo lchiyic mayi 'anlaqtega caillayi, adamayi daqaqa.

Marcos 11:14

Nachi so Jesús 'enapego' asomayi, 'eeta': –Nagui nachi tachiguiña qome da sa ishit da huo'o ca chic ca alaÿaxac da qoneta. Qaq soua lapaxaguenataqa hua'aqchiguilo de'eda.

Mateo 7:19

Qaq 'enauac anam qo'ipaqpi mayi qauem da alaÿaxac, anamayipi qome qaiquesoqot, nachi qaÿasaxangui ca nodec.

Mateo 3:10

Aca qachipe mashi sogote imetai' da iquesoxoñot ana qo'ipaqpi. Qaq 'enauac anam qo'ipaqpi mayi sa ishit da no'on ana ala, nachi anamayi qaiquesoqot. Ime, qaq qaÿasaxangui ca nodec.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.