Hebreos 6:5 - Nuevo Testamento Toba Sur

⁵ qataq da mashi ÿaÿateeta da l'aqtac ñi Dios, qataq dam n'añaxac mayi hueta'a cam 'alhua mayi ñaq naÿa'cna,

Nuevo Testamento Toba Sombrero Negro

⁵ choqoda'me joote yayate'n daa'me onaĝayaqa jo'ne 'laqataqa joñe'me Dios choqoda'me lañoqotaĝanaĝac jo'ne yataqata di'yoqo'tegue qomle,

Hebreos 6:5 Referans Kwoze

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

1 Pedro 2:3

Lamaaxa qom ÿataqta qauaÿajñiita da so qadataxala' ÿataqta soxodaic.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

Hebreos 2:5

Cha'ayi ñi Dios sa ishit qome da ÿachito'ot naq'en ca lamaxasoxonaxac na lamaxashic piguem l'ecpi cam 'alhua mayi sa'axataqtac.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Efesios 6:17

Qataq da qadca'alqai 'eeta'am qanqashiñi aca qanado'oi, da yaqto' npaxajlec na qadqaiqui. Qataq qauacoñiÿa da l'aqtac ñi Dios da 'eeta'am qanqashiñi ca ÿilonec mayi qami' ÿanema so Espíritu Santo.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Hebreos 11:3

Qaq chigoqchigui da qadpi'iÿaxac da qomi' saÿajnaq da ñi Dios l'onata ana 'alhua, huota'ai naq'en naua l'aqtaqa. Qaq ÿoqo'oyi nam seloqtaigui nagui, namayi chigoqchigui cam saq cha'a co'ollaxa.

1 Pedro 1:25

qalaxayi da l'aqtac ñi qadataxala' sa ishit da huo'o ca loga't. Qaq de'eda n'aqtac nachida da n'aqtaxanaxac mayi chigaqaigui da nca'alaxa dam qami' qai'axattapeguema.