Hebreos 6:3 - Nuevo Testamento Toba Sur

³ Qaq 'eda qome da shinaqtec, da huo'otaq qomi' ÿashiitema ñi Dios.

Nuevo Testamento Toba Sombrero Negro

³ Chane'eja nach'eda da'me jauoqo: nach'e eta't da'me ñichiyaqatajeguem, qom Dios qo'mi yaje'tema.

La'aqtaqa Ñim Lo'onatac 'Enauacna 2013

³ Qaq ỹoqta 'eesa de'era da qomi' qolaqto'ot da sapaxaguenataxanaqteguec, da Ñim Lo'onatac 'Enauacna qomi' ỹasheetema.

Hebreos 6:3 Referans Kwoze

1 Corintios 16:7

Cha'ayi aÿim sa saÿamaxaden da chochi qami' saÿalguete. Chaqdata da ñishitaique da loiguilo caua na'axa'te da qami' soota'agueta, qom huo'otaq aÿim ÿashiitem so qadataxala' de'eda ÿiquiaxac.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

1 Corintios 4:19

Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

Santiago 4:15

Da qad'aqtaquíctaxa 'eeta': “Da nachida ÿaÿamaxadeeta ñi qadta'a Dios, qaq ñachaataqtague' da so'otaq de'eda, huo'o chaq de'eda lÿa.”

Romanos 15:32

yaqto' qom huo'otaq aÿim ÿashiiteec ñi qadta'a Dios, nachi ndoteec qome da ñitonaxac qom qami' ñauaneto, qataq yaqto' ishit da ñimateec qom qami' ñamaqtegalo.

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,