Hebreos 6:17 - Nuevo Testamento Toba Sur

¹⁷ Qaq ÿoqo'oyi ñi Dios ÿan da l'aqtac da ÿataqta ipacchigui cam ÿachaxanapec, cha'ayi ñimayi nshitaique da ÿaÿajnaxanaxaata nam taÿa'a qominchiyi da ÿaconguet dam ÿachaxanapec, da ñimayi ishit da ÿataqta ipacchigui da i'ot cam ÿachaxanapec, qaq sa nadalaxat ca l'aqtac.

Nuevo Testamento Toba Sombrero Negro

¹⁷ Nach'e ena'am ñe'me Dios, da'me jetaque en 'yoqo'tegue da'me jo'ne yaloĝonalo yema ga'me lec'oqo'tepi jo'ne yacoteguet qomle da'me jo'ne qoyen loĝo't, qama'le yataqata 'naĝatelegue da'me 'laqatac ca'li yayatenaĝaneque da'me mach'e lelnataĝac jo'ne ja yitaĝa ta'le ya'uo ga'me dalaĝaic.

La'aqtaqa Ñim Lo'onatac 'Enauacna 2013

¹⁷ Qaq ỹoqo'oye Ñim Lo'onatac 'Enauacna co'ollaq huotaique da ipaqueelec da ỹachaxanapec, nache ỹan da la'aqtac chegoqchigui da maiche la'añaxac da ỹan dam ỹachaxanapec ỹataqta ipagaqchiichigui.

Hebreos 6:17 Referans Kwoze

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

Hebreos 11:9

Qaq cha'ayi huo'o da lpi'iÿaxac so Abraham, nachi somayi ishit da nalec som 'alhua mayi ÿachaxanapecot ñi Dios, qalaxayi 'eeta'am naq'en ca ÿaqa'a 'alhua da netalec. Nachi somayi netaigui so lpe'l. Qaq nachida da 'eetec nataq'en so Isaac qataq so Jacob mayi nataq'en ÿacoodeguet de'eda qaÿachaxanapec co'ollaxa.

Juan 10:10

Ca cachaxaic da anac, qalaq chaqdata da huo'o ca decachiÿa qataq da huo'o ca ÿalauat qataq da huo'o ca nlaxajñi. Aÿim, qalaxayi ñanac, da yaqto' huo'o da lca'alaxa anamayipi, qataq da chochaq huañi de'eda lca'alaxa.

1 Pedro 3:7

Qaq nachi 'eetec nataq'en qami' ÿallippi mayi mashi qauadoñi. Ñi 'oonolec ÿataqta naÿajnaxanaqchin da ilo'ogue da lhuaÿaxac, qataq sa ishit da ÿi'inai', cha'ayi ÿaÿaten da acamayi saqalligueme da l'añaxac, qalaxayi nataq'en nhuanau'a da nca'alaxa mayi chigoqchigui da lqouagaxanaqtaic ñi Dios da qami' ÿanema. Qaq 'eda qome da qoñiitec, yaqto' da qanatamnaxaqui saqca ca nqanaxat.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

Santiago 1:17

'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.

Hebreos 6:16

Na shiÿaxauapi, da huo'otaq ÿan ca l'aqtac, qalaq namayipi ÿanot da l'aqtac cam nataÿaña namayipi. Qaq da huo'otaq qoÿan ca n'aqtac da ÿataqta qaipacchigui, qalaq camayi sa ishit da huo'otaq qancotatapigui.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

Romanos 11:29

Cha'ayi cam mashi ÿan ñi Dios, qalaq sa ishit da ÿacona, qataq sa ishit da ñi'iguelaxajla't da lÿaxanaxac.

Hebreos 11:7

So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.