Hebreos 6:12 - Nuevo Testamento Toba Sur

¹² Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Nuevo Testamento Toba Sombrero Negro

¹² Chane'eja da'me ami, 'noota qom ja adouali, dite da'me auadenaĝachi' gaa'me jo'ne nach'e eta't p'iida'a joñe'me Cristo nataq'aen da'me 'nañaĝadeteguet ena'uac, qama'le yacoteguet da'me qoyen loĝo't jo'ne joote Dios yaloĝon.

La'aqtaqa Ñim Lo'onatac 'Enauacna 2013

¹² Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Hebreos 6:12 Referans Kwoze

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

Romanos 12:11

Qataq ÿataqta qan'añaxachi, sa ishit da qami' hualaiqa. Qataq da qau'onataxañiitacot so qadataxala', qalaq ÿataqta imauec da qadquiyaqteÿaxaqui.

Hebreos 5:11

Qaq qomi' ÿataqta qalota na qad'aqtaxanaxac da sa'axataq de'eda, qalaxayi huo'o da lqalaic da qai'axategue ca llic damayi, cha'ayi qami' sa ishit da qauaÿajñi.

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

Santiago 1:3

Cha'ayi mashi qauaÿajñiita qom ivita da qaÿi'iguen da qadpi'iÿaxaqui, nachi huaña, qaq nquic da qanhualaxaunaxaqui.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Romanos 4:12

Qaq 'eesa da so Abraham nachiso so lta'a nam qaÿauo'o ca n'anaxat na l'oc. Qalaxayi sa ishit da nachaqdata damayi. Cha'ayi namayipi nataq'en quetague' da lliquiaxac da lpi'iÿaxac so qadta'a Abraham co'ollaq saxanaxa da qaÿauo'o ca n'anaxat na l'oc.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Apocalipsis 13:10

Ca ÿauec ca lÿa da icoñi', qaq camayi nataq'en qaicoñi'. Qataq cam huota'a ca lainec da dalaataxan, qaq camayi nataq'en qaÿauota'a ÿiilonec da qaÿalauat. Qaq ÿoqo'oyi nam lalamaxatpi ñi Dios iuen da ÿauo'o da lhualaxavic qataq da lpi'iÿaxac.

Hebreos 11:33

da 'enauac somayipi chigoqchigui da lpi'iÿaxac da huo'o mshi ishit da loxonqa naua lÿa't 'ale'u, qataq da qaÿachiguiñi da ltaunaxanaxac ñi Dios mayi ÿachaxanapec co'ollaxa, qataq da qaÿapogui na alap nam shiguiÿac mayi dequi'iÿapecpi,

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Mateo 22:32

“Aÿim mayi nachaÿim nDios so Abraham, Isaac qataq so Jacob.” Qaq sa ishit da nDios ñimayi nam leuaxaicpi. Chaqnata nam nca'altaicpi.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Lucas 16:22

Qaq huo'o so na'a'q nachi se'eso choxodaq ileu. Nachi anac na lamaxashic piguem l'ecpi ñi Dios da ÿaueegue da piguem cam hueta'a so Abraham. Qaq som sallaxanec nataq'en ileu. Ime, nachi qailayiñi.

Mateo 25:26

Nachi se'eso 'aco' 'enapeco': “'Am nlatac qauemaic qataq hualaic. ¡'Am 'auaÿateetac mque' co'ollaxa da aÿim ishit da ñaqat na ala ca saq ÿanguishic, qataq da llapon cam sa ishit da ichigoxoshic!