Hebreos 6:11 - Nuevo Testamento Toba Sur

¹¹ Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Nuevo Testamento Toba Sombrero Negro

¹¹ Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

La'aqtaqa Ñim Lo'onatac 'Enauacna 2013

¹¹ Ỹataqta huo'o da qaryaxa da qoquiito'ot de'era qarasapachaqai, choche ivitta'a ca loga't da qanachaalataxaqui, yaqto' qauacoñiiguet 'enauac nam no'on maye chegoqchigui da qarhualaxaviqui.

Hebreos 6:11 Referans Kwoze

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Apocalipsis 2:26

Qaq cam dauegaxan, qataq ividaxatta'a ca loga'tna da i'ottac cam saÿamaxadeeta, qaq camayi sanem da ÿamaqpec na ÿotta'a't shiÿaxauapi,

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

2 Ts 3:13

Qami' qadqaÿa't, sa ishito' qome da qadasamiiñi da qau'ochi da ÿaÿamaqchiguiñi.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

1 Ts 4:10

Qataq nachi 'eetai' da qami' nachi qoñiita'ac 'enauac na qad'amqajnataxanaxauapi mayi netaña yi 'alhua Macedonia. Qalaxayi qami' qadqaÿa't, qami' ñachoxodenaqtoto da qoquiitot damayi da qanqochiñiita'aguet.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

Filipenses 3:15

Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

Mateo 24:13

Qalaxayi ca qaica ca ÿoqocha'a, chochi ividaxatta'a ca loga't da nachaalataxac, qaq nachica ca qanca'alaxateec.

1 Juan 3:19

Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Gálatas 5:5

Cha'ayi qomi' sachigoxotaqchigui so Espíritu Santo qataq dam qadpi'iÿaxac da huo'o mshi qomi' huo'o da qanaquitaxac da ishit da qomi' ÿaÿamaxadeete' ñi Dios.

Lucas 1:1

Cha'ayi mashi qalota na shiÿaxauapi mayi ÿacoolec da ÿachigoxottot so hua'auchiguiñi da ÿiyiñi 'enauac na qai'otpi mayi qomi' huanguilo.