Hebreos 6:10 - Nuevo Testamento Toba Sur

¹⁰ Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Nuevo Testamento Toba Sombrero Negro

¹⁰ Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

La'aqtaqa Ñim Lo'onatac 'Enauacna 2013

¹⁰ Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Hebreos 6:10 Referans Kwoze

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

Hechos 10:4

Nachi somayi ÿamato'ot se'eso namaxashic piguem l'ec, qalaxayi ÿataqta ñi'i. Nachi inattac, 'eeta': –¿Négue't ca, 'am ÿataxala'? Nachi som namaxashic piguem l'ec 'enapego' somayi, 'eeta': –Ñi Dios ÿataqta ÿaÿamaxadeeta da 'anqouagaxaunaxac qataq dam 'adtaunaxanaxac da 'autauaatac nam huo'o da lhuenaxanaxa.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Marcos 9:41

Cha'ayi ca camachicague't da huo'otaq qami' ÿanema ca nai'ctaxa da saq 'amaqtaq 'etaxat, qaq souaxat da qami' lalamqa'te na Cristo, nachi camayi ÿataqta huo'o da nshiitenaguec.

Romanos 12:13

Qataq qautauañi ca qad'amqajnataxanaxauai da huo'o ca lhuenaxanaxa, qataq ÿataqta qauloÿiguet ca qanamaxasoxoiqui.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

2 Corintios 9:1

Qaq de'eda lataxac da qai'ot aca ntaunaxanaqte da yaqto' qaitauan ca qad'amqajnataxanaxaua, qalaq damayi sa ishit da iuen da shiyiñi.

1 Juan 1:9

Qalaxayi da sa'axata'q naua qadasouaxashi'te, nachi sepi'aqa'a da ñi Dios ishit da i'ot ca ÿaÿamaqchiguiñi da ÿapalaxat 'enauac na qadasouaxashitpi qataq da iÿouec 'enauac na sa ÿaÿamaxañisat.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Hebreos 10:32

Qalaxayi qami' qauennachi qome da 'eetec soua hua'a'u vi'iyi co'ollaq qami' chita'ague da qami' qaicoÿadelguete. Huaña, nachi ÿataqta huo'o da qadhualaxaviqui da qan'añaxachiiguet da qanque'ejnaxaqui souaxat da qanloquiaxaqui.

Mateo 20:7

Nachi somayipi 'enapeco': “Cha'ayi qaica ca qomi' i'onataxanaxa'n ÿoqo'oyi.” Nachi se'eso 'aco' 'enapeco': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.”

Mateo 25:17

Qaq nachi 'eetec nataq'en som ÿaconguet asom dos mil, somayi ivi' dos mil aso laÿi laueque.