Hebreos 6:1 - Nuevo Testamento Toba Sur

¹ Qaq ÿoqo'oyi qomi' no'on da ñiquigaqtashiguem, da yaqto' sevidaxa da qomi' ÿi't. Ñi'onaxataqchigui qome nam hua'auchiguiñi qanapaxaguenataguecpi so Cristo. Qataq sa ishit da shi'iguelaxasoxolec da sa'axataxaco mayi taÿa'alo naq'en da nleuaxa camayi, qataq da qaipi'iÿa'a ñi Dios,

Nuevo Testamento Toba Sombrero Negro

¹ Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.

La'aqtaqa Ñim Lo'onatac 'Enauacna 2013

¹ Qaq ỹoqo'oye qomi', no'on da nquictasheguem da qarauattonaxanaxac, choche seviraqta'a da ỹe da qarauattonaxanaxac So Cristo. Qataq ño'onaxataqchigui dam hua'auchiguiñi napaxaguenataxanaxac maye ỹa'axat So Cristo, qataq saishet da qolaqto'ot da sa'axataqtac ca lataxac maye saq 'amaqtaq. Qataq saxanaxañi da so'otaq ca qauem, nache qolaxague So Cristo, qataq saxanaxañi da sauoqo'o ca qarasouaxashet, yaqto' saishet da seleuaq. Qomi' saỹatenaq da iuen da sauoqo'o ca qarpi'iỹaxac Ñim Lo'onatac 'Enauacna,

Hebreos 6:1 Referans Kwoze

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Hebreos 12:13

Nachi qanmichiÿaique so nqa'aic mayi ÿataqta ÿashicteec, yaqto' ca napia' mayi sa da'añiigue, qalaq ishit da no'oita, qataq sa ishit da vi'ita'a't.

Mateo 21:32

Cha'ayi anac so Juan mayi nachilaxanataxanaq, da yaqto' qami' ÿapaxaguenque ca lataxac da yaqto' no'on da qadataxaqui, qalaq qami' sa ishit da qau'amaqchiñi somayi. Qalaxayi nam ÿacootapeeguet ana nshiitenaqte ca nta'a qataq nam quishiguetaxaipi i'amaqten somayi co'ollaxa. Qalaxayi qami' nai'ctaxa da qauauañiichigui 'enauac de'eda, qalaxayi ñaqaiyita da sa ishit da qai'axañiideec naua qan'onataxacolli' da yaqto' qau'amqajnataxañi.

Hebreos 7:11

Na llalaqpi so Israel co'ollaq ÿaconguet na nqataxacpi, qalaq chigoqchigui qanqoÿin na ltaxaÿaxanaxanecpi mayi llalaqpi so Leví, nam nataq'en llalaqpi so Aarón. Qaq na ntaxaÿaxanaxanecpíctaxa da ishit da nalochiguiñi naq'en da lataxac nam quetague' na nqataxacpi, nachi sa ishíttaxa da iuen da anac ca lÿa ntaxaÿaxanaxanec da qaitaxaÿapegue' ñi Dios, da 'eeta'am da lataxac so Melquisedec, qaq sa ishit da 'eeta'am so Aarón.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

Juan 12:44

Nachi so Jesús ÿataqta nlamaxaden da detaqa, 'eeta': –Ca aÿim i'amaqten, camayi sa ishit da nachaqaÿimta da aÿim i'amaqten, cha'ayi nataq'en ñi ita'a mayi aÿim namaq.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

2 Corintios 7:10

Cha'ayi de'eda naquicoxo mayi ÿaÿamaxadeeta ñi Dios, damayi i'ot da qoÿaxaadeec naua 'onataxaco qataq naigui da nca'alaxa. Qaq ÿoqo'oyi sa ishit da qanayictega. Qaq dam laquicoxo nam sa da'amqajnataxanpi, damayi naigui da nleuaxa.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Marcos 6:12

Nachi soomayi je'c, nachi da'aqtaxaadem na shiÿaxauapi, da yaqto' ÿaxaadeec naua n'onataxaco.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

1 Juan 4:12

Ñi Dios qaica da huo'o ca nma'ai' da ÿauatton. Qalaxayi ñi 'oonolec da shinaqta da ÿataqta ÿauotec ca lÿa, nachi ñi Dios qomi' hueta'agueta, nachi da lauotaxanaqtaic ñimayi ivitta'a da nalochiguiñi da qomi' huetaiguilo.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

Santiago 1:4

Qalaxayi qanpogoxoiñiÿapegue' da qanhualaxaunaxaqui da ÿataqta nalochiguiñi qanqashiñi, yaqto' qoñiita'am ca shiÿaxaua da mashi ÿi, ÿataqta nalochiguiñi, saqca ca lhuenec.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

Efesios 2:5

nachi qomi' ÿanema da qadca'alaxaua naq'en so Cristo, nai'ctaxa da ñaq souaqtaigui co'ollaxa da 'ico' qomi' leuaxaiqa souaxat na qadasouaxashitpi. Qaq damayi maichi chigoqchigui da lqouagaxanaqtaic ñi Dios da huo'o mshi qami' nca'alaxatreec.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Efesios 2:1

Ñi Dios qami' ÿanema da qadca'alaxauai naq'en so Cristo co'ollaq qami' ñaq qoviitaigui da 'ico' qadleuaqai, souaxat nam sa ÿaÿamaxañisat qataq nam qadasouaxashichi

1 Corintios 13:10

Qalaxayi qom sovitaxa da nalochiguiñi da qadauattonaxanaxac, huaña, qanachi imeuo 'enauac na sa ishit da nalogoñi.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Mateo 7:25

Qaq da ivita da anac na auot, qataq da i'auat so tala, qataq da anac na l'at lta'adaic, qalaq sa ishit da ÿañoxot da ÿalolaxajñi se'eso noÿic, cha'ayi ÿataqta n'oxootelec qanqoÿin so coma'.

Mateo 5:48

Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi.

1 Timoteo 6:19

Yaqto' de'eda sa yi'oq lsallaxa ishit da huo'o da naquitaxac naq'en cam ñaq natauo, qataq ishit da nauec ca achaalataxac chochi tateec.

Lucas 6:48

Camayi 'eeta'am ca shiÿaxaua mayi i'ot ca lma', qaq i'auaxaañi da deshidaxan, ÿataqta qaÿoqchiguingui naq'en ca lshidec. Ime, qaq lapaxañi ca coma' mayi l'oxonaxala' naq'en ca noÿic. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot que'eca noÿic. Qalaxayi sa ishit da ÿañoxot da ÿayigot, cha'ayi so noÿic n'oxootalec qanqoÿin so coma'.

Mateo 21:29

Nachi se'eso llalec 'enapeco': “¡Qai'tai', sa ñasapat!” Qalaxayi co'ollaq qaÿata'ague, nachi nadalaxat da lhuennataxa. Ime, nachi jec da do'onataxan.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

Colosenses 3:14

Qalaxayi ÿataqta ÿacteec qome da qalota qanqashiñi da qadsoxoyiqui, cha'ayi nachida da n'atta't naq'en na shiÿaxauapi, qataq ÿataqta naloqchiichiguiñi naq'en 'enauac na lataxaguesat.