Hebreos 5:9 - Nuevo Testamento Toba Sur

⁹ Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Nuevo Testamento Toba Sombrero Negro

⁹ Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

La'aqtaqa Ñim Lo'onatac 'Enauacna 2013

⁹ Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Hebreos 5:9 Referans Kwoze

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Hebreos 2:10

Cha'ayi 'enauac nam huetalecna, namayi lalamaxat ñi Dios, qataq maichi chigoqo'ot ñimayi. Qaq ñi Dios nshitaique da 'enauac na llalaqpi nhuanau'a de'eda lli'oxoyic. Qaq ÿoqo'oyi ñimayi naloqchiichiguiñi naq'en da lataxac so Jesucristo som lca'alaxaqui namayipi, ÿachigoxotchigui naq'en da nque'ejnaxac.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hebreos 11:8

So Abraham nataq'en chigoqchigui da lpi'iÿaxac co'ollaq ñi Dios iÿaxana, qalaq somayi ÿataqta ÿalaq da jec, nqo'ona so 'alhua mayi ÿachaxanapecot ñi Dios da ÿanem. Nachi somayi ca'ai so lma', sa ishit da ÿaÿaten cam dataigue.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Romanos 2:8

Qalaxayi idolec qome da layiloxo qom ÿauo'o ca nhuaxanaguec nam i'ottac ca maichi 'eetapeguec qataq sa ishit da ÿalaxalec da 'eesa lataxac, chaqnata nam sa ÿaÿamaxañisat.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

2 Corintios 10:5

da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

Romanos 15:18

Cha'ayi aÿim ÿataqta sa sadenalec da sa'axat 'enauac nam chigoqchigui naq'en aÿim so Cristo da ÿauotaique lalaxayic naq'en nam saq judiopi, da yaqto' ÿalaxaguet ñi Dios. Qaq damayi chigoqchiguilo naua i'aqtaqa qataq nam so'otpi

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Romanos 10:16

Qalaxayi sa ishit da 'en'a't da qaÿoqocha'a de'eda n'aqtaxanaxac mayi i'axat da nca'alaxa. Qaq ipacchigui da l'aqtac so Isaías co'ollaq 'eeta': “'Am ÿataxala', ¿negue'tom ca ishit da i'amaqten da qad'aqtaxanaxac?”

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Juan 19:30

Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Hebreos 11:40

cha'ayi ñimayi huo'o cam ÿacteec da lyaquiaxac mayi ÿaqataxaatapigui'. Cha'ayi ñimayi tachigui yi lauel da shinaqta, yaqto' se'eso shiÿaxauapi ishit da qadÿateuo qom inoxoneu'a da ÿataqta naloqchiichiguiñi da nachaalataxac.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Lucas 13:32

Qalaxayi somayi 'enapeco': –Qauesomiÿa, qau'aqtaxañiim qome que'eca nanoicnaxaic, qoñiita': “Nagui na na'a'q qataq qoyi'oxoñi so'odauec na n'ecpi leguemaxaicpi, qataq ñataden na sa no'onpi, qaq que'eca lÿa na'a'q nachi yome.”

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.