Hebreos 5:5 - Nuevo Testamento Toba Sur

⁵ Qaq 'eda da 'eetec nataq'en so Cristo, somayi sa ishit da huo'otaq maichi nalligoxojla't da nachiso lataxala' na ntaxaÿaxanaxanecpi. Cha'ayi nachiñi ñim Dios mayi ÿanem de'eda l'amaqchic somayi. Cha'ayi nachi 'ena'pe naua l'aqtaqa, 'eeta': 'Am mayi nachi'am ÿalec; 'am seco'oic ne'ena na'a'q.

Nuevo Testamento Toba Sombrero Negro

⁵ Qama'le nach'e ena'am ñe'me Cristo da'me ja ni'yoĝodela't ta'le mach'e neguela't da'me eetapela't lajoĝola' ga'me netaĝayaĝanaĝanaqa, dite ñe'me Dios jo'ne eetac ca'li: “Nayi jenjo' nolo' am ja'aĝatem da'me naqa'am jo'ne mach'e am yalec, qa'a da'me jayem yataqata jayem adet'a,” naqaeñe jo'ne yanem da'me dojo' niyamaqataĝanaĝac.

La'aqtaqa Ñim Lo'onatac 'Enauacna 2013

⁵ So Cristo, Somaye saishet da huo'otaq maiche nallegoxoola't da nacheso lataxala' na ntaxaỹaxanaxanecpi. Nachaqrata da Ñim Lo'onatac 'Enauacna maye lca'aguishec qataq ỹanem da la'amaqchec. Qataq nacheñi Ñimaye co'ollaxa da 'eeta' da la'aqtac: «'Am maye nache 'am Ỹalec; nache chegoqchiguiña ne'ena na'a'q da Aỹem 'Arta'a.»

Hebreos 5:5 Referans Kwoze

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

Hebreos 1:5

Cha'ayi ñi Dios sa ishit da huo'otaq iÿaxana ca lamaxashic piguem l'ec da 'eeta': 'Am mayi nachi'am ÿalec; 'Am seco'oic ne'ena na'a'q. Qataq sa ishit da detaxaÿa ca lamaxashic piguem l'ec da 'eeta': Aÿim qome aÿim lta'a somayi, qaq somayi qome ÿalec.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

Hechos 13:33

Cha'ayi qomi' maichi qomi' llalaqpi somayipi, qaq ÿoqo'oyi ñi Dios ÿataqta ipacchigui dam 'enapec co'ollaxa da qaltaq nca'alaxateec so Jesús da qadca'alaxaqui. Cha'ayi nachi nanettalec aso nede l'enaxat Salmo da l'aqtac, 'eeta': “'Am mayi nachi'am ÿalec, 'am seco'oic ne'ena na'a'q.”

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Hebreos 1:1

Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 5:10

Nachi ñi Dios ÿanagui somayi da nachiso so lataxala' nam ntaxaÿaxanaxanecpi da qaitaxaÿapegue' ñimayi. Qaq nachi 'eeta'am da lataxac so Melquisedec.