Hebreos 5:13 - Nuevo Testamento Toba Sur

¹³ Qaq nam chictac na nchi', namayipi 'eeta'am na ñaqpiolec mayi ñaq lliptac, cha'ayi namayipi sa ishit da ivi' da ÿaÿaten ca llic ca no'on nataxac.

Nuevo Testamento Toba Sombrero Negro

¹³ Qa'a joga'me jo'ne maliaĝa niyomigui jana'me lochi', nach'ega jo'ne ena'am ta'le notolec jo'ne maliaĝa uanoquetac, qa'a maliaĝa ja yayaten da'me naloqoten joda'me jo'ne yataqatelegue.

La'aqtaqa Ñim Lo'onatac 'Enauacna 2013

¹³ Ỹoqta ñaq qoñiita'am ca nogotolec maye cheta'ague da ñiguiñi maye saxanaxa da ỹaỹaten da ỹauatton ca 'onaxaic qataq ca qauem.

Hebreos 5:13 Referans Kwoze

1 Pedro 2:2

Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

2 Timoteo 3:16

'Enauaque naua ñiyigui'shi l'aqtaqa ñi Dios, namayi ÿilyiñi naq'en co'ollaxa so l'aqtaxanaxanecpi. Qaq naamayi taiguet da qaÿapaxaguenataxanque, qataq da qaÿachaxanataxana ca lataxac, qataq da qaÿaÿamaxajñi ca nasouaxashit, qataq da qaÿachaxanataxana da llic da achaalataxac qui'itta,

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.

2 Corintios 3:9

Qaq nam nqataxacpi mayi ishit da i'ot cam qanhuaxanaguec, da ÿataqta huo'o da lli'oxoyic, qalaq ¡táloxochi sa ÿapacteectoxo' da lli'oxoyic da l'aqtac ñi Dios mayi i'axatema qomi' da mashi qaica ca qadasouaxashit!

1 Corintios 13:11

Co'ollaq ñaq aÿim nogotolec, qalaq naua itaxaÿaxaco qataq naua imejnaxanaxaco qataq naua iuennataxaco i'enaxatchigui da ñaq aÿim nogotolec. Qalaxayi co'ollaq mashi aÿim ÿi, nachi saxaneec da ñinogotshic.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Romanos 2:20

Qataq 'aupi'itaxaatega da 'am 'auaÿaten da lataxac da 'auapaxaguen cam qaica ca ÿaÿajnapec qataq nam dalaxaicpi, cha'ayi nam nqataxacpi imatta't 'enauac nam lataxaguesat dam nauattonaxanaxac qataq dam lataxac mayi 'eesa.

2 Juan 1:11

Cha'ayi ca nquine' camayi, nachi 'eeta'am da nhuanau'a cam sa ÿaÿamaxañi mayi i'ottac.